ភ្នំពេញៈ ហេតុការណ៍គ្រោះថ្នាក់ចរាចរណ៍មួយដែលបង្កការភ្ញាក់ផ្អើលទាំងកណ្តាលអធ្រាត្រ រំខានគេរំខានឯង ក្រោយពីរថយន្តទំនើបម៉ាកRANGER ពាក់ស្លាកលេខ ភ្នំពេញ2AM-5616 បើកបុកពីក្រោយរថយន្តបាឡែន ពាក់ស្លាកលេខ ភ្នំពេញ 2AE-8139 ហើយបានជជែកវែកញែកបង្កជាជម្លោះយ៉ាងខ្លាំងពេញផ្លូវ។

ហេតុការណ៍នេះបានកើតឡើងកាលពីវេលាម៉ោង១១និង១០នាទីយប់ រំលងអធ្រាត្រ ថ្ងៃទី២៥ ខែឧសភា ឆ្នាំ២០១៧ តាមបណ្ដោយផ្លូវព្រះមុន្នីវង្ស ចំណុចមុខខារ៉ាខេព្រីមស៌ ជិតស្តុបបូកគោ ក្នុងសង្កាត់បឹងកេងកង១ខណ្ឌចំការមន រាជធានីភ្នំពេញ។

តាមប្រភពព័ត៌មានបានឲ្យដឹងថា មុនពេលកើតហេតុ រថយន្តបានឡែន បើកបរតាមបណ្ដោយផ្លូវ ព្រះមុន្នីវង្ស ទិសដៅពីត្បូងទៅជើង លុះមកដល់កន្លែងកើតហេតុខាងលើ ក៏មានរថយន្តបង្ក បើកក្នុងទិសដៅស្របគ្នាយ៉ាងលឿនជាន់ហ្វ្រាំង បានជ្រុលចង្កូតទៅបុកពីក្រោយរថយន្តបាឡែន រងការខូចខាត រួចហើយម្ចាស់រថយន្តបង្ក ចុះរករឿងរថយន្តបានឡែ ហើយបានប្រកែកគ្នាឡូឡាពេញផ្លូវ ។ ថែមទាំងរករឿងជាមួយអ្នកសារព័ត៌មាន។

ក្រោយពីប្រកែកគ្នាមួយសន្ទុះធំមក ទើបម្ចាស់រថយន្តបង្ក យករថយន្តបាឡែនទៅជួសជុលដើម្បីបញ្ចប់រឿង៕