ភ្នំពេញៈ ក្នុងមួយរយៈពេលថី្មៗនេះ លោក ប៉ា សុជាតិវង្ស អភិបាលរាជធានីភ្នំពេញ កំពុងយកចិត្តទុកដាក់នូវរាល់បញ្ហាកកស្ទះចរាចរណ៍ ក្នុងរាជធានីភ្នំពេញ បានបង្កើតស្ពានអាកាស គ្រប់ទីកន្លែងដើម្បីដោះស្រាយនៅបញ្ហាទាំងនេះ តែផ្ទុយទៅវិញលោក លីម សុភា អភិបាលខណ្ឌ៧មករា បានយកចិត្តទុកដាក់នៅរាល់វិធានការរបស់ថ្នាក់ដឹកនាំឡើយ ដោយ សម្ងំនៅស្ងៀមមិនមានវិធានការអ្វីឡើយ។

ជាក់ស្ដែង នៅចំណុចច្រមុះជ្រូក ផ្លូវ១៦៤,ផ្លូវ១៤០ ព្រំប្រទល់សង្កាត់អូរឬស្សី៣ និងសង្កាត់មនោរម្យ ក្នុងមូលដ្ឋានខណ្ឌ៧មករា អាជីវកបានយកចិញ្ចើមផ្លូវលើសពី ១ភាគ៣នៃផ្លូវ ធ្វើអាជីវកម្ម ដើម្បីប្រយោជន៍ផ្ទាល់ខ្លួន។

ជាពិសសេទៀតនោះ លោក ចឹក សារឿន ចៅសង្កាត់មនោរម្យ ដែលជាអាជ្ញាធរមូលដ្ឋាន បានយកចិញ្ជើមផ្លូវ ធ្វើជាកន្លែងផ្ញើម៉ូតូ ដើម្បីប្រយោជន៍ផ្ទាល់ខ្លួនដែរ នៅទីតាំងផ្ទះកាច់ជ្រុង ផ្លូវ១០៩ កែងផ្លូវ១៦៤ ដូច្នេះកុំថាឡើយតែប្រជាពលរដ្ឋ សូម្បីតែមន្រ្តីរបស់ខ្លួនក៏មិនគោពរច្បាប់ដែរ បើលោក លីម សុភា អភិបាលខណ្ឌ៧មករា នៅសម្ងំស្ងៀម យកតែលាភ ដាក់ចូលហៅប៉ាវ ដូចសព្វថ្ងៃនេះ។

ជាចុងក្រោយប្រជាពលរដ្ឋ សូមសំណូមដល់លោក អភិបាលខណ្ឌ៧មករា យកចិត្តទុកដាក់នូវវិធានការរំដោះការកកស្ទះ របស់លោកអភិបាលរាជធានីភ្នំពេញផង កុំនៅសម្ងំយកតែប្រយោជន៍ផ្ទាល់ខ្លួនបែបនេះ។ តែបើធ្វើមិនកើតលាលែងទៅ ទុកឲ្យអ្នកមានសមត្ថភាព និងមិនគិតពីប្រយោជន៍ខ្លួនធំជាប្រជាពលរដ្ឋគេធ្វើម្ដង៕