Post News Media ព័ត៌មានជាតិ បុរសម្នាក់ ត្...

បុរសម្នាក់ ត្រូវពស់ចឹកស្លាប់ នៅឧត្តរមានជ័យ

ឧត្តរមានជ័យ: លោកវរសេនីយ៍ទោ ហម ភិរម្យ អធិការនគរបាលស្រុកបន្ទាយអំពិល បានប្រាប់ Post News ថា នៅវេលាម៉ោង ១០ និង២៥ នាទីព្រឹកថ្ងៃទី២៨ ខែឧសភា មានករណីមនុស្សដេកស្លាប់ នៅវាលស្រែ ត្រង់ចំណុចត្រពាំងកកោះ ស្ថិតនៅខាងកើតភូមិសាលារ៉ាង ឃុំគោកមន ស្រុកបន្ទាយអំពិល ចម្ងាយ ០៣ គីឡូម៉ែត្រ។

សកសពខាងលើមានឈ្មោះ ស៊ិញ សឿត ភេទប្រុស អាយុ ២៩ ឆ្នាំ រស់នៅភូមិសាលារ៉ាង ឃុំគោកមន
ស្រុកបន្ទាយអំពិល ខេត្តឧត្ដរមានជ័យ។

ក្រោយការត្រួតពិនិត្យសាកសព សមត្ថកិច្ចពុំឃើញមានស្លាកស្នាមអ្វីទេ ឃើញមានស្នាម ដូចចង្កូមពស់ ត្រង់កជើងខាងស្តាំ ថែមទាំងឃើញមានចេញលាមកប្រលាក់ខោលីអូ ព្រមទាំងឃើញខោកីឡា ពណ៌ក្រហមចម្ងាយ០៣ ម៉ែត្រពីសពផងដែរ។

វត្ថុតាងនៅកន្លែងកើតហេតុ មានចបជីក០១ ពូថៅ០១ សត្វត្រគួត ០១ ក្បាល កែវឆ្លុះសត្វ០១ ចម្ងាយពីសព ១ គីឡូម៉ែត្រ

តាមការពិនិត្យរបស់កម្លាំងជំនាញ និងក្រុមគ្រូពេទ្យបានសន្និដ្ឋាថា ជនរងគ្រោះពិតជាស្លាប់ដោយពស់
ចឹកពិតប្រាកដមែន៕