ព័ត៌មានជាតិ

យីអើ! ខំអាណិតនាំយកមកផ្គត់ផ្គង់ បែរជាបកក្បាលលួចលុយឯងទៅវិញ!!!

ភ្នំពេញ: អាជីវករលក់ដូរក្នុងផ្សារ ត្រូវបានជនសង្ស័យស្រីវ័យក្មេងដែលធ្លាប់អាណិតស្រឡាញ់ឲ្យនំចំណី បាយទឹក ម្ហូបអាហារ ឥឡូវបែជារមិលគុណបានចូលលួចលុយដល់ក្នុងហាងអស់ប្រមាណជាង១ពាន់ដុល្លារ ។

ហេតុការណ៍នោះបានកើតឡើងកាលពីរសៀលថ្ងៃទី១២ ខែមិថុនា ឆ្នាំ២០១៧ នៅហាងលក់គ្រឿងសម្អាងមួយកន្លែងក្នុងផ្សារទួលពង្រ សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៤និង៣០នាទី ថ្ងៃទី១៣ខែមិថុនា ឆ្នាំ២០១៧ ក៏បានឃាត់ខ្លួនបណ្តោះអាសន្ននៅស្នាក់ការផ្សារទួលពង្រ នឹងធ្វើបានការលួងលោមក្មេងស្រី ទើបបានប្រគល់ប្រាក់ឲ្យមកជនរងគ្រោះវិញត្រឹម១០ម៉ឺនរៀលប៉ុណ្ណោះ ដោយធ្វើឲ្យជនរងគ្រោះមិនសុខចិត្ត រហូតមកដល់ព្រឹកថ្ងៃទី១៤ ខែមិថុនា ឆ្នាំ២០១៧ បាននាំក្មេងស្រីនោះទៅកាន់ប៉ុស្តិ៍នគរបាលចោមចៅ ដើម្បីឲ្យធ្វើការសាកសួរបន្ថែម។

តាមប្រភពព័ត៌មានម្ចាស់ហាងខាងលើគាត់រៀបរាប់ឲ្យដឹងថា ក្មេងស្រីខាងលើនេះតែងតែមកលេងនៅក្បែរហាងរបស់គាត់ ដោយសារតែគាត់ឃើញអាណិតបានឲ្យនំចំណីបាយសម្លទៅញុំ ស្រាប់តែដល់រសៀលកើតហេតុខាងលើ គាត់យកលុយរបស់គាត់ដែរលក់អីវ៉ាន់បាន១អាទិត្យយកទៅទុកក្នុងកាបូបហើយដាក់ក្នុងទូ ហើយចូលក្នុងបន្ទប់មួយភ្លែត ឆ្លៀតពេលនោះក្មេងស្រីខាងលើបានលួចចូលក្នុងហាងរបស់គាត់បើកទូប្រមូលយកលុយដាក់ចូលក្នុងថង់ រួចគេចខ្លួនបាត់តែម្តង។

ប្រភពដដែលបានបន្តទៀតថា នៅពេលដែលឃាត់ខ្លួនក្មេងស្រីខាងនោះបានប្រគល់លុយមកវិញបានតែ១០ម៉ឺនរៀលទេ លុយមួយចំនួនទៀតគឺនៅម្តាយរបស់ក្មេងស្រីនោះ ហើយនៅពេលដែលទៅដល់ជួបម្តាយក្មេងស្រីនោះ គឺមិនទទួលខុសត្រូវចំពោះកូនទេ ទើបស្រ្តីរងគ្រោះនាំក្មេងស្រីទៅកាន់ប៉ុស្តិ៍នគរបាលតែម្តង។

ទោះជាយ៉ាងណាក្មេងស្រីដែលរងការចោទនិងស្ត្រីរងគ្រោះមិនត្រូវបានស្គាល់ឈ្មោះនោះទេ។ ហើយមើលទៅក្មេងនេះនៅអតិជននៅឡើយហើយក្មេងស្រីនេះពិតជាយកលុយទាំងអស់នោះមែនឬមានអ្នកពាក់ផ្សេងក៏មិនដឹងតែទោះជាយ៉ាងណាភាគីទាំងសងខាងកំពុងដោះស្រាយគ្នាហើយព្រោះមានព័ត៌មានថា ក្រោយពេលកើតហេតុក្មេងស្រីត្រូវបាននគរបាលសមត្ថកិច្ចសាកសួរយ៉ាងណាក៏ក្មេងស្រីមិនឆ្លើយអ្វីទាំងអស់។

ក្រោយមកសមត្ថកិច្ចបានឲ្យស្ត្រីរងគ្រោះនាំក្មេងស្រីនោះទៅធ្វើការដោះស្រាយជាមួយម្តាយរបស់ក្មេង៕

មតិយោបល់