ភ្នំពេញ: បុរសម្នាក់សង្ស័យស្រវឹងស្រារជិះម៉ូតូHONDA DREAMចុះពីលើស្ពានអាកាសស្ទឹងមានជ័យក្នុងទិសដៅបញ្ច្រាស់ទៅបុកជាមួយរថយន្តដែលធ្វើដំណើរឡើងមកខាងលើស្ពានក្នុងទិសដៅត្រឹមត្រូវ បណ្ដាលឲ្យរងរបួសធ្ងន់បាក់ជើងខាងឆ្វេងត្រូវបានរថយន្តសាម៉ុយបញ្ចូនទៅមន្ទីរពេទ្យភ្លាមៗ។

ហេតុការណ៍នេះបានកើតឡើងនៅវេលាម៉ោង១១និង២០នាទីយប់ ថ្ងៃទី១៩ ខែមិថុនា ឆ្នាំ២០១៧ ត្រង់ចំណុចលើស្ពានអាកាសស្ទឹងមានជ័យ ស្ថិតក្នុងសង្កាត់មានជ័យ ខណ្ឌមានជ័យរាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញម៉ូតូមួយគ្រឿងម៉ាកHONDA DREAM ពណ៌ខ្មៅ ពាក់ស្លាកលេខកំពង់ស្ពឺ1C-1350 បើកបរដោយបុរស ម្នាក់ធ្វើដំណើរតាមខាងលើស្ពានអាកាសស្ទឹងមានជ័យក្នុងទិសដៅបញ្ច្រាស់ពីត្បូងទៅជើងហើយក៏ជ្រុលទៅបុកយ៉ាងពេញទំហឹងជាមួយរថយន្តម៉ាកHIGE LANDERពណ៌ស្ករ ពាក់ស្លាកលេខភ្នំពេញ2AK-1023 ដែលធ្វើដំណើរឡើងមកខាងលើស្ពានក្នុងទិសដៅពីជើងទៅត្បូងវិញក្នុងទិសដៅត្រឹមត្រូវ បណ្ដាលឲ្យខ្លួនរងរបួសធ្ងន់បាក់ជើងឆ្វេងត្រូវបានរថយន្តសាម៉ុយ បញ្ចូនទៅមន្ទីរពេទ្យភ្លាមៗ ហើយម៉ូតូរងការខូចខាត មួយកំណាត់មុខស្ទើរទាំងស្រុង ចំណែករថយន្តរងការខូចខាតខាងមុខផ្នែកខាងឆ្វេង។

ក្រោយពេលកើតហេតុម៉ូតូនិងរថយន្តត្រូវបានសម្ថកិច្ចចររាចរណ៍ជើងគោកធ្វើការវាស់វែងយកទៅរក្សារទុកនៅអធិការដ្ឋាននគរបាលខណ្ឌមានជ័យរងចាំភាគីទាំងសងខាងចូលខ្លួនបំភ្លឺនិងសម្របសម្រួលគ្នាទៅតាមផ្លូវច្បាប់៕