កណ្ដាលៈ នៅព្រឹកថ្ងៃទី២៣ ខែមិថុនា ឆ្នាំ២០១៧ លោក សម្ញំ ឬទ្ធីវាសនា ព្រះរាជអាជ្ញារង និងជាអ្នកនាំពាក្យតំណាងអយ្យការសាលាដំបូងខេត្តកណ្តាល បានចេញដីការបង្គាប់ឲ្យនាំខ្លួនជនជាប់ចោទឈ្មោះ ហ៊ុល សុធី ហៅផាន់ គឹមយន់ ហៅក្រៃថោង (ជាមេក្លោង) ក្រុមចោរប្លន់ឆ្លងខេត្ត ឲ្យមន្ត្រីពន្ធនាគារយកមកដើម្បីសាកសួរបន្ថែម។

លោក សម្ញំ ឬទ្ធីវាសនា ព្រះរាជអាជ្ញារង និងជាអ្នកនាំពាក្យតំណាងអយ្យការសាលាដំបូងខេត្តកណ្តាលបានប្រាប់Post Newsថា ការសាកសួរជនជាប់ចោទឈ្មោះ ហ៊ុល សុធី ហៅផាន់ គឹមយន់ ហៅក្រៃថោង (ជាមេក្លោង) គឺជា«ការសម្ងាត់ក្នុងការស៊ើបអង្កេត ខ្ញុំមិនអាចបញ្ជាក់ចម្លើយបានទេ»។

សូមរំលឹកដែរថា លោក រឿន ណារ៉ា ស្នងការរងបានប្រាប់ឲ្យដឹងថា ប្រតិបត្ដិការបង្រ្កាបឃាត់ខ្លួនក្រុមចោរប្លន់ជាលក្ខណៈទ្រង់ទ្រាយធំនេះ ធ្វើឡើងផ្ដើមចេញពីកើតមានករណីប្លន់ប្រដាប់អាវុធទៅលើផ្ទះផ្ទេរប្រាក់វីងមួយកន្លែងនៅភូមិសាស្ត្រឃុំព្រែកតាកូវ ស្រុកខ្សាច់កណ្ដាល ខេត្ដកណ្ដាល កាលពីយប់ថ្ងៃទី១២ ខែធ្នូ ឆ្នាំ២០១៥។

ក្រុមចោរទាំង១០នាក់រួមមានទី១ឈ្មោះ ឈឹម សុផ ល ទី២ឈ្មោះ ស្រី ស្រាន់ ហៅជាតិ ភេទ ប្រុស អាយុ២៣ ទី៣ឈ្មោះ ហ៊ី ង នី ហៅប៉េន ហៅអា មមីស (ជាមេក្លោ ង) ទី៤ឈ្មោះ ហ៊ុត ហាន ហៅតូច ភេទប្រុស អាយុ៣៥ឆ្នាំ ទី៥ឈ្មោះ ហ៊ុល សុធីហៅផាន់ គឹមយន់ ហៅក្រៃថោង (ជាមេក្លោង) ទី៦ឈ្មោះ ឆៃណាន ភិរម្យ ហៅណាល់ នឿន ភេទប្រុស អាយុ៣៥ឆ្នាំ ទី៧ឈ្មោះ ជឿន ចិន្ដា អាយុ៣៥ឆ្នាំ ទី៨ ឈ្មោះ ហ៊ិន ចាន់ថា ភេទប្រុស អាយុ៣១ឆ្នាំ ទី៩ឈ្មោះ ហៀង សុផា និងទី១០ឈ្មោះ ឃឿន បុរី ភេទប្រុស៣៧ឆ្នាំ។

ក្រុមចោរប្លន់ទាំង១០នាក់ខាងលើនេះ ត្រូវបានឃាត់ខ្លួនជាបន្ដបន្ទាប់ចាប់តាំងពីថ្ងៃទី២៥ ខែកុម្ភៈ ឆ្នាំ២០១៦ រហូតដល់ថ្ងៃទី៧ ខែមីនា ឆ្នាំ២០១៦នេះ នៅក្នុងភូមិសាស្រ្ដខេត្ដកណ្ដាល ខេត្ដកំពង់ចាម និងនៅរាជធានីភ្នំពេញ។ ក្នុងប្រតិបត្ដិបង្រ្កាបឃាត់ ខ្លួនក្រុមចោរខាងលើនេះសមត្ថកិច្ចបានធ្វើការដកហូត កាំភ្លើងខ្លី ម៉ាកK៥៩ ១ដើម និងម៉ូតូ៥គ្រឿងជាធ្យោបាយជិះធ្វើសកម្មភាព។

លោកបញ្ជាក់ថា ក្រុមចោរទាំងនេះជាមុខសញ្ញាប្លន់ប្រដាប់អាវុធដ៏សកម្ម កន្លងមកធ្លាប់ធ្វើសកម្មភាពប្លន់នៅខេត្ដមួយចំ នួនក្នុងព្រះរាជាណាចក្រកម្ពុជា ហើយក៏ធ្លាប់ត្រូវបានសមត្ថកិច្ចចាប់ខ្លួនបញ្ជូនទៅកាន់ពន្ធនាគារជាច្រើនលើកច្រើនសារផ ងដែរ៕