សៀមរាប: នៅវេលាម៉ោង២និត១៥នាទីរសៀលថ្ងៃទី២៦ ខែមិថុនា ឆ្នាំ២០១៧ កម្លាំងការិយាល័យនគរបាល ប្រឆាំងបទល្មើសសេដ្ឋកិច្ច សហការជាមួយមន្ត្រីនៃមន្ទីរសុខាភិបាលខេត្ត បានចុះបង្រ្កាបការស្តុកទុក ឱសថខុសច្បាប់ នៅក្នុងទីតាំងថែសម្ផស្ស ដាវី អារីយ៉ា-ម៉ិញតាំ ស្ថិតនៅភូមិវាល សង្កាត់គោកចក ក្រុង-ខេត្តសៀមរាប។

ជាលទ្ធផលសមត្ថកិច្ចដកហូតវត្ថុតាងរួមមាន ឱសថមិនចុះបញ្ជីការ ៤មុខ = ៩៦ គ្រាប់ និង ៧អំពូល រួមនឹងសារាំងចាក់ថ្នាំ ហាមលក់ចំនួន៩៩។

ក្រោយពីត្រួតពិនិត្យរួចមក វត្ថុតាងទាំងនេះត្រូវបានប្រគល់ឲ្យមន្ត្រីជំនាញ ដើម្បីធ្វើការដុតកម្ទេចចោលផងដែរ៕