ភ្នំពេញៈ ករណីគ្រោះថ្នាក់ចរាចរណ៍មួយដែលកើតឡើងរវាងម៉ូតូនឹងម៉ូតូ ប៉ះគ្នាតិចតួច បែរជាតម្លើងសរសៃកដាក់គ្នា បង្កការភ្ញាក់ផ្អើលទាំងយប់។
ហេតុការណ៍កើតឡើងនៅវេលាម៉ោង៨យប់ ថ្ងៃទី១ ខែកក្កដា ឆ្នាំ២០១៧ នៅតាមបណ្តោយផ្លូវជាតិលេខ៣ ទល់មុខនឹងច្រកចូលសាលាសុវណ្ណាភូមិ ដែលនៅស្ថិតក្នុងភូមិ ព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ រាជធានី ភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញម៉ូតូម៉ាក ឌ្រីមសង់ សេ១២៥ ស៊េរី០១៦ ពាក់ស្លាកលេខ ភ្នំពេញ1FP-6081 ជិះដោយប្រុសស្រី២នាក់ ក្នុងទិសដៅពីជើងទៅត្បូង លុះមកដល់ត្រង់ចំណុចកើតហេតុ ស្រាប់តែមានម៉ូតូ១គ្រឿង ស៊េរី០១៧ គ្មានស្លាកលេខ ជិះដោយបុរសម្នាក់វ័យប្រហែល៤០ឆ្នាំ បានបើកឆ្លងផ្លូវ បណ្តាលឲ្យប៉ះគ្នាដួលនៅនឹងកន្លែងតែម្តង។

ក្រោយពេលកើតហេតុ រួចភាគីទាំងសងខាងរងរបួសតិចតួចប៉ុណ្ណោះ ហើយភាគីទាំងសងខាងសុទ្ធតែប្រកែកយកឈ្នះរៀងៗខ្លួន រហូតតឹងសរសៃករដាក់គ្នា ព្រមទាំងបងប្អូនទាំងសងខាងដែរសុទ្ធតែចង់ឈ្នះចាញ់រៀងខ្លួន ទើបមានការចុះអន្តរាគម៍ពីសមត្ថកិច្ចប៉ុស្តិ៍ចោមចៅ ជួយធ្វើការសម្របសម្រួលគ្នាដោយរយៈពេលប្រហែលជាង១ម៉ោងទើបត្រូវគ្នា ដោយភាគីទាំងសងខាងព្រមចែកផ្លូវគ្នាដោយគ្មាននាក់ណាសងសំណងដល់នាក់ណាឡើយក្រោយមកក៏ព្រមចែកផ្លូវគ្នាទៅផ្ទះរៀងៗខ្លួន៕