ភ្នំពេញៈ នគរបាលប៉ុស្តិ៍ស្រះចក ឃាត់ខ្លួនជនសង្ស័យជួញដូរដោយខុសច្បាប់នូវសារធាតុញៀនម្នាក់ ដកហូតបានក្រាមសថ្លាសង្ស័យគ្រឿងញៀនចំនួន៣កញ្ចប់តូច។

ការចាប់ឃាត់ខ្លួនបានធ្វើឡើងកាលពីវេលាម៉ោង៨ និង៣០នាទីព្រឹក ថ្ងៃទី៣ ខែកក្កដា ឆ្នាំ២០១៧ នៅចំណុច ផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។

ជនសង្ស័យខាងលើមានឈ្មោះ វ៉ាន់ ពេជ្រ ភេទប្រុស អាយុ១៨ឆ្នាំ មុខរបរ មិនពិតប្រាកដ ទីលំនៅផ្ទះលេខ៣៨សេ ផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ។ ចំណែកវត្ថុតាងដែលដកហូតបានមានក្រាមពណ៌សថ្លាសង្សយ័ជាគ្រឿង ញៀនចំនួន៣កញ្ចប់តូច, ទូរសព្ទដៃម៉ាកSeatelចំនួន១គ្រឿង និងលុយចំនួន៧០០០រៀល។

ប្រភពព័ត៌មានពីសមត្ថកិច្ចបានឲ្យដឹងថា មុនឈានដល់ការចាប់ឃាត់ខ្លួនជនសង្ស័យខាងលើ កម្លាំងនគរបាលប៉ុស្តិ៍ស្រះចក បានចេញល្បាតនៅក្នុងមូលដ្ឋានរបស់ខ្លួន ទៅដល់ចំណុចផ្លូវរថភ្លើងដែលជាចំណុចកើតហេតុ ខណៈនគរបាលបានឃើញជនសង្ស័យម្នាក់កំពុងឈរេរាដោយមានការសង្ស័យនគរបាលបានធ្វើការត្រួតពិនិត្យរកឃើញក្រាមសថ្លាសង្ស័យជាគ្រឿងញៀនចំនួន៣កញ្ចប់តូចដែលជនសង្ស័យដាក់ក្នុងហោប៉ៅខោខាងឆ្វេង ពេលនោះនគរបាលបានឃាត់ខ្លួនជនសង្ស័យរួមទាំងវត្ថុតាងមកកាន់ប៉ុស្តិ៍ដើម្បីសាកសួនិងបញ្ជូនបន្តទៅផ្នែកជំនាញនៃអធិការដ្ឋាននគរបាលខណ្ឌដូនពេញដើម្បីចាត់ការបន្ត។

បច្ចុប្បន្នជនសង្សយ័កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញនឹងកសាងសំណុំរឿងបញ្ជូនទៅតុលាការចាតការតាមច្បាប់៕