ព្រះសីហនុៈ នៅវេលាម៉ោង៧ និង១៥នាទីយប់ ថ្ងៃទី៣ ខែកក្កដា ឆ្នាំ២០១៧ មានគ្រោះថ្នាក់ចរាចរណ៍មួយនៅផ្លូវអូរមួយ សង្កាត់៤ ក្រុងព្រះសីហនុ ខេត្តព្រះសីហនុ។

បង្កឡើងដោយម៉ូតូម៉ាក ហុងដាវ៉េវ ពណ៌ក្រហម ជិះដោយបុរស២នាក់ ក្នុងទិសដៅពីកើតទៅលិចយ៉ាងលឿនបានបុកក្មេងស្រីម្នាក់ បណ្តាលឲ្យរងរបួសធ្ងន់ បានបញ្ជូនទៅមន្ទីរពេទ្យ ហើយបុរសដែលជាអ្នកបើកបរម៉ូតូ និងអ្នកជិះពីក្រោយព្យាយាមរត់គេចតែប្រជាពលរដ្ឋនៅក្បែរនោះបាននាំស្ទាក់ចាប់បានម្នាក់ គឺអ្នកជិះពីក្រោយ។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ចំណែកជនបង្កមិនទាន់បានស្គាល់អត្តសញ្ញាណនៅឡើយទេ និងនាំជនបង្កមកកាន់ប៉ុស្តិ៍នគរបាល រង់ចាំការដោះស្រាយគ្នាពេលក្រោយ៕