ភ្នំពេញៈ នគរបាលប៉ុស្តិ៍ស្រះចកឃាត់ខ្លួនជនសង្ស័យជួញដូរដោយខុសច្បាប់នូវសារធាតុញៀនម្នាក់ ដកហូតបានក្រាមសថ្លាសង្ស័យគ្រឿងញៀនចំនួន១០កញ្ចប់តូច។

ប្រតិបត្តិការនេះបានធ្វើឡើងនៅវេលាម៉ោង៩ព្រឹកថ្ងៃទី៤ ខែកក្កដា ឆ្នាំ២០១៧ ត្រង់ចំណុចផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។

ជនសង្ស័យមានឈ្មោះ ជួប ប្រុសភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅតាមបណ្តោយផ្លូវ១៣០ សង្កាត់ផ្សារចាស់ ខណ្ឌដូនពេញ រាជធានីភ្នំពេញ។ ចំណែកវត្ថុតាងដែលដកហូតបានមានក្រាមពណ៌សថ្លាសង្សយ័ជាគ្រឿងញៀនចំនួន១០កញ្ចប់តូច លុយ១១០០០រៀល។

ប្រភពពត៌មានពីសមត្ថកិច្ចបានឲ្យដឹងថា នៅមុនពេលកើតហេតុកំលាំងនគរបាលប៉ុស្តិ៍ស្រះចកបានចេញល្បាតនៅក្នុងមូលដ្ឋានរបស់ខ្លួន លុះទៅដល់ចំណុចផ្លូវរថភ្លើងដែលជាចំណុចកើតហេតុ ខណៈនគរបាលបានឃើញជនសង្ស័យម្នាក់កំពុងអង្គុយលក់គ្រឿងញៀនដោយមានការសង្ស័យនគរបាលបានធ្វើការត្រួតពិនិត្យរកឃើញក្រាមសថ្លាសង្ស័យជាគ្រឿងញៀនចំនួន១០កញ្ចប់តូច ដែលជនសង្ស័យទុកនៅខ្លួនពេលនោះនគរបាលបានឃាត់ខ្លួនជនសង្ស័យរួមទាំងវត្ថុតាងបញ្ជូនបន្តទៅផ្នែកជំនាញនៃអធិការដ្ឋាននគរបាលខណ្ឌដូនពេញដើម្បីសាកសួនិងចាត់ការបន្ត។

បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងបញ្ជូនទៅតុលាការចាតការតាមនីតិវិធីច្បាប់៕