ប្រេស៊ីល៖កម្ពស់ មិនដល់មួយម៉ែត្រផង ប៉ុន្តែក្រុមបាល់ទាត់មនុស្សតឿ Gigantes do Norte របស់ប្រេស៊ីលគឺមានទំនុកចិត្តបំផុត និងសុបិន្តអំពីការប្រកួត World Cup ដែលនៅមិនឆ្ងាយនោះ ។
ក្រុម Gigantes do Norte ដែលជាក្រុមបាល់ទាត់មនុស្សតឿ ត្រូវបានបង្កើតឡើង នៅឆ្នាំ ២០០៦ ដែលមើលទៅសឹងមិនគួរឲ្យជឿទៅហើយ ដែលអាចប្រមូលផ្តុំក្រុមមនុស្សតឿ បង្កើត ជាក្រុមបាល់ទាត់បានយ៉ាងដូច្នេះ ។ ក្រុមបាល់ទាត់មនុស្សតឿនេះ មានកម្ពស់ មិនលើសពី ១,២ ម៉ែត្រឡើយ ។
បើទោះបីជាខ្លួនតឿមែនពិត តែសម្រាប់ការប្រកួត ជាមួយនឹងក្រុមមនុស្សធំៗ និងខ្ពស់ជាងខ្លួន ក្រុមនេះ នៅតែបង្ហាញឥទ្ធិពលដ៏មហិមារ ដើម្បី យកឈ្នះក្រុមបាល់ទាត់ដែលធំជាងខ្លួន។
រាល់ការប្រកួតរបស់ក្រុមមនុស្សតឿ ទទួលបានការយកចិត្តទុកដាក់ និងអ្នកចូលរួមទស្សនា មិនតិចជាង ៣០ ០០០ នាក់ ដែលមកពីជុំវិញប្រទេសប្រេស៊ីល។ ដោយសារតែចង់ដឹងចង់ឃើញ សមត្ថភាពលេងបាល់ដ៏អស្ចារ្យជាលើកដំបូងរបស់ក្រុមមនុស្សតឿ ទើប មានមនុស្សច្រើនយ៉ាងនេះចូលរួមទស្សនា ។
កីឡាករតឿ Ribeiro Casemiro មានកម្ពស់ មិនដល់ ១ ម៉ែត្រ មានវ័យ ២៧ ឆ្នាំ មកពី Paragominas ដែលជាតារាបាល់ទាត់ដ៏អស្ចារ្យរបស់ក្រុម Gigantes do Norte បាននិយាយថា “ជីវិតរបស់ខ្ញុំមានការផ្លាស់ប្តូរតិចតូចបំផុត ពីមុនគ្មាននរណាចាប់អារម្មណ៍លើរូបខ្ញុំឡើយ ប៉ុន្តែឥឡូវខុសគ្នា មានមនុស្សជាច្រើណាស់ដែលទទួលស្គាល់ លើវិថីបាល់ទាត់នេះ ។ ទន្ទឹមជាមួយនឹងគ្នានេះយើងក៏ចង់ឲ្យអ្នកគាំទ្រសប្បាយចិត្ត ជាមួយនឹងទម្រង់លេងដ៏អស្ចារ្យរបស់ពួកយើង ដែលតែងតែលូតលាស់ជារៀងរាល់ថ្ងៃនោះ” ។
ក្រុមកីឡាករមនុស្សតឿនេះ បានជឿជាក់យ៉ាងមុតមាំថា ពួកគេសង្ឈឹមថា នឹងអាចឈ្នះសំបុត្រ សម្រាប់ការចូលរួមប្រកួត World Cup នៅពេលអនាគត់ ខណៈដែលពីមុន គ្មាននរណាចាប់អារម្មណ៍លើពូកខ្លួន៕
ទស្សនាវីដេអូឃ្លិប ក្រុមមនុស្សតឿលេងដូចខាងក្រោមនេះ៖
មតិយោបល់