រដ្ឋបាលខេត្តសៀមរាប នឹងចាប់ផ្តើមរៀបចំសណ្តាប់ធ្នាប់ របៀបរៀបរយ និងសុវត្ថិភាព នៅតំបន់ Pub Street ខេត្តសៀមរាប ក្រោយពីមានការរំលោភបំពានពី ម្ចាស់ទីតាំងអាជីវកម្ម និងអ្នកបើកបរយានយន្តគ្រប់ប្រភេទមួយចំនួន បានយកដីចំណីផ្លូវ ចិញ្ចើមផ្លូវសាធារណៈ និងធ្វើសកម្មភាពផ្សេងៗទៀត ដើម្បីបម្រើផលប្រយោជន៍ឯកជនរបស់ខ្លួន រួមមាន ការប្រើប្រាស់ធ្វើជាចំណតយានជំនិះ បើកបរបញ្រ្ចាសទិញ បង្កើតទីតាំងលក់ដូរឬជួល លើកស្លាកយីហោ ឬស្លាកផ្សព្វផ្សាយពាណិជ្ជកម្ម និងការតបណ្តាញអគ្គិសនីចេញពីទីតាំងអាជីវកម្មពុំមានបច្ចេកទេសត្រឹមត្រូវ។

សកម្មភាពទាំងអស់ខាងលើ បានធ្វើឲ្យប៉ះពាល់យ៉ាងធ្ងន់ធ្ងរដល់ សណ្តាប់ធ្នាប់របៀបរៀបរយ បាត់បង់សោភ័ណភាព ប្រព័ន្ធចរាចរណ៍ គ្មានផ្លូវថ្មើរជើង បង្កឲ្យមានគ្រោះថ្នាក់ចរាចរណ៍ និងគ្រោះអគ្គិភ័យ ជាពិសេសគឺ ប្រព្រឹត្តិផ្ទុយនឹងច្បាប់ស្តីពី ចរាចរណ៍ផ្លូវគោក ច្បាប់ស្តីពីផ្លូវថ្នល់ និងលិខិតបទដ្ឋានគតិយុត្តពាក់ព័ន្ធ។

អាស្រ័យហេតុនេះ រដ្ឋបាលខេត្តសៀមរាប សូមធ្វើការណែនាំដូចខាងក្រោម៖