ភ្នំពេញ: នៅព្រឹកថ្ងៃទី៥ ខែកក្កដា ឆ្នាំ២០១៧ គណ:កម្មការចម្រុះដោយមានការចូលរួមពី គណ:បញ្ជាការឯកភាពខណ្ឌមានជ័យ បានចុះមកបិទទីតាំងផលិតទឹកកខាងលើនេះជាលើកទី២។ ហើយប្រជាពលរដ្ឋដែលរស់នៅក្បែរនោះនាំគ្នាចាំមើលថាតើម្ចាស់ទីតាំងខាងលើនេះមានការរត់ការច្រកណាអាចមានលទ្ធភាពមកបើកដំណើរការទីតាំងនេះជាលើកទី៣នោះ។
គួររំលឹកថា ហេតុការណ៍មួយបង្កការភ្ញាក់ផ្អើលកាលពីវេលាម៉ោង៦និង១៥នាទីព្រឹក ថ្ងៃទី៣ ខែកក្កដា ឆ្នាំ ២០១៧ នៅតាមផ្លូវ៣៧១ នៅភូមិព្រែកតាគង់ ក្នុងសង្កាត់ចាក់អង្រែលើ ខណ្ឌមានជ័យ មានករណីលេចធ្លាយឧស្ម័នអាម៉ូញ៉ាក់ជាថ្មីម្តងទៀត នៅរោងសិប្បកម្មផលិតទឹកកកមួយដែលប៉ះពាល់យ៉ាងខ្លាំងដល់ផ្ទះប្រជាពលរដ្ឋនៅជុំវិញនោះនិងដល់សិស្សសាលាដែលកំពុងរៀននៅជិតនោះដែរ ។
បើតាមការបញ្ជាក់របស់សមត្ថកិច្ចទីតាំងផលិតទឹកកកខាងលើនេះ ធ្លាប់បានលេចធ្លាយឧស្ម័នអាម៉ូញ៉ាក់បែបនេះម្តងកាល ១១ខែមុន ហើយសមត្ថកិច្ចក៏បានផ្អាកមិនឲ្យផលិតទឹកកកនេះមួយរយ: ប៉ុន្តែដោយសារការត្រូវរ៉ូវគ្នាជាមួយអាជ្ញាធរពាក់ព័ន្ធក៏បើកដំណើរការឡើងវិញ៕
//youtu.be/wuksxyId-Yo
មតិយោបល់