ភ្នំពេញ: ជនសង្ស័យ២នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័ករណីគ្រឿងញៀន។
ការចាប់ឃាត់ខ្លួននៅវេលាម៉ោង១០ និង៣០នាទីយប់ ថ្ងៃទី៧ ខែកក្កដា ឆ្នាំ២០១៧ នៅចំណុច ច្រាំបាក់ ស្ថិតនៅភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ។

ជនសង្ស័យទាំង២នាក់ ទី១ឈ្មោះ អ៊ុន ទ្រីណា ហៅជ្រូក ភេទប្រុស អាយុ៣៥ឆ្នាំ មុខរបរ កម្មកររោងចក្រ ស្នាក់នៅភូមិស្ពឺ សង្កាត់ចោមចៅ ខណ្ឌពោធិ៍សែនជ័យ និងទី២ឈ្មោះ ម៉ុន វណ្ណេត ភេទប្រុស អាយុ៣៤ឆ្នាំ មុខរបរមិនពិតប្រាកដ ស្នាក់នៅភូមិព្រែស្ពឺ សង្កាត់ចោមចៅ ខណ្ឌពោធិ៍សែនជ័យ។
វត្ថុតាងចាប់យក៖ ម៉ូតូម៉ាកវេវ ពណ៌ខ្មៅ គ្មានស្លាកលេខចំនួន ១គ្រឿង,ទឹកលាយថ្នាំចាក់ចំនួន៤ដប,ម្សៅថ្នាំចាក់១កញ្ចប់តូច,ស៊ីរាំងចំនួន៣(ប្រើប្រាស់២,មិនទាន់ប្រើប្រាស់១) និងទូរសព្ទម៉ាកសាំសុងចំនួន១គ្រឿង។

បច្ចុប្បន្ន ជនសង្ស័យនឹងវត្ថុតាង បញ្ជូនទៅកាន់ការិយាល័យប្រឆាំងគ្រឿងញៀន អាវុធហត្ថរាជធានីភ្នំពេញចាត់ការបន្ត៕