ព្រះសីហនុៈ ជនសង្ស័យជាជនជាតិចិនម្នាក់ ត្រូវបានសមត្ថកិច្ចនៃការិយាល័យអនុវត្តនីតិវិធី នៃផែនអន្តោប្រវេសន៍ ធ្វើការឃាត់ខ្លួន ក្រោយពីធ្វើសកម្មភាពឆក់កាបូបពីប្រជាពលរដ្ឋ។
ការឃាត់ខ្លួននេះបានធ្វើឡើងកាលពីវេលាម៉ោង១០និង៤០នាទី យប់ ថ្ងៃទី៨ ខែកក្កដា ឆ្នាំ២០១៧ ក្នុងខេត្តព្រះសីហនុ។
សមត្ថកិច្ចបានឲ្យដឹងថា ជនល្មើសដែលឃាត់ខ្លួនខាងលើនេះ មានឈ្មោះ ចឹង លួយ ភេទប្រុស សញ្ជាតិចិន អាយុ៤០ឆ្នាំ (លិខិតឆ្លងដែនគ្មានជាប់ខ្លួន)។
បច្ចុប្បន្នជនសង្ស័យខាងលើ ត្រូវបានសមត្ថកិច្ចនគរបាលអន្តោប្រវេសន៍ កំពុងកសាងសំណុំរឿងបញ្ជូនទៅកាន់សាលាដំបូងខេត្តព្រះសីហនុ ចាត់ការតាមនិតិវិធីច្បាប់ ៕
មតិយោបល់