លោក Jose Mourinho បានប្រាប់ Sky Sports ថា ក្រុមបីសាចក្រហម Manchester United បានត្រៀមនូវយុទ្ធសាស្ត្រល្អៗ ជាច្រើន ក្នុងការយកឈ្នះក្រុម Real Madrid ក្នុងជំនួប UEFA Super Cup នៅថ្ងៃទី ៨ សីហា ខាងមុខនេះ។

អ្នកចាត់ការទូទៅរបស់ក្រុមបីសាចក្រហម Manchester United សញ្ជាតិព័រទុយហ្គាល់លោក Jose Mourinho កំពុងតែមានជំនឿចិត្តយ៉ាងខ្លាំង ក្នុងការយកឈ្នះលើក្រុមជើងឯក Champion League ១២សម័យកាល Real Madrid ។ ជាការពិតណាស់ ថ្វីបើលោក Jose Mourinho បានដឹងយ៉ាងច្បាស់ហើយថា Real Madrid គឺជាក្រុមកំពូលមួយក៍ដោយ តែអ្នកចាត់ការរូបនេះ ហាក់មិនសូវភ័យព្រួយទៅវិញ។ ទាក់ទង នឹងបញ្ហានេះដែរ លោក Mourinho បានផ្តល់កិច្ចសម្ភាសន៍ជាមួយ Sky Sports ថា៖ Real Madrid ជាក្រុមដ៍ខ្លាំង ហើយមានការវិវត្តន៍នូវសមត្ថភាពប្រកួត ដែលក្កិបជាច្រើន មិនដែលមាននោះឡើយ។

យ៉ាងណាក៍ដោយ ក្នុងជំនួប Super Cup នេះ Man Utd មិនសូវជាពិបាកឡើយ ព្រោះថា លោកធ្លាប់ដឹកនាំ Real Madrid បានប៉ុន្មានរដូវកាលដែរ ហេតុនេះហើយ លោកអាចយល់បានច្រើនពីសមត្ថភាពរបស់ Real Madrid ជាពិសេសនោះ​ គឺសមត្ថភាពប្រយុទ្ធ និងការពាររបស់ក្រុមអេស្ប៉ាញមួយនេះ។ ម្យ៉ាងវិញទៀត Man Utd ពេលនេះមិនមែនជា Man Utd កាលពីប៉ុន្មានឆ្នាំមុនឡើយ យើងមានការវិវត្តន៍ច្រើន ព្រមទាំងសមត្ថភាពកីឡាករវ័យក្មេងល្អៗជាច្រើនរូប នាពេលបច្ចុប្បន្ននេះ ទាំងកីឡាករចាស់ និងកីឡាករថ្មី។

លោក Jose Mourinho ក៍បានផ្តល់សុទិដ្ឋិនិយមផងដែរថា ការយកឈ្នះ Real Madrid មិនមែនជារឿងងាយស្រួលឡើយ ព្រោះថាប្រព័ន្ធការពារ និងប្រព័ន្ធប្រយុទ្ធរបស់ក្រុមនេះ ពិតជាខ្លាំងរកគូប្រៀបគ្មាន។ ក៍ប៉ុន្តែ Man Utd នឹងលេងប្រកបដោយទំនុកចិត្ត ដើម្បីមហិច្ចតាពាន UEFA Super Cup នេះ។ គួរបញ្ជាក់ផងដែរថា កសតប្រកួតពានរង្វាន់ UEFA Super Cup នឹងធ្វើឡើងនៅថ្ងៃទី ៨ សីហា ខែក្រោយនេះ នៅក្នុងប្រទេស ម៉ាសេដូនៀរ។