ភ្នំពេញ: ជនសង្ស័យជួញដូរគ្រឿងញៀនប្រុសស្រី២នាក់ រួមនឹងថ្នាំញៀនចំនួនជិត១គីឡូ ត្រូវបានកម្លាំងអាវុធហត្ថខណ្ឌច្បារអំពៅ បង្ក្រាបកាលពីវេលាម៉ោង ១១និង៣០នាទីព្រឹក ថ្ងៃទី ១១ កក្កដា ២០១៧ ចំណុចផ្ទះជួលជាន់ទី២ច្រកចូលបុរីហាយតិច ស្ថិតក្នុងសង្កាត់ព្រែកប្រា ខណ្ឌច្បារអំពៅ។

ក្នុងប្រតិបត្តការនេះសម្ថកិចដកហូតបានវត្ថុតាងរួមមានថ្នាំញៀនជិត១គីឡូ សរុប១៨តូចធំ (ធំ១១កញ្ចប់,មធ្យម៤កញ្ចប់,តូច៣កញ្ចប់) ជញ្ជីង២ និង ម៉ូតូ១គ្រឿង។

ជនសង្ស័យ២នាក់ប្រុសស្រី ទី១ឈ្មោះ លាង ហេងតាយ ភេទប្រុស អាយុ៣១ឆ្នាំ មុខរបរមិនពិតប្រាកដ និងទី២ឈ្មោះ លីលិន ភេទស្រី អាយុ២០ឆ្នាំ មុខរបរ មិនពិតប្រាកដ។

បច្ចុប្បន្នជនសង្ស័យ និង ថ្នាំញៀនជិត១គីឡូ ត្រូវបានកម្លាំងជំនាញអាវុធហត្ថខណ្ឌកសាងសុំណុំរឿងបញ្ជូនទៅកងរាជអាវុធហត្ថរាជធានីភ្នំពេញ ដើម្បីបន្តអនុវត្តតាមនិតិវិធីច្បាប់៕