Post News Media ព័ត៌មានជាតិ អាសូរណាស់! ចូ...

អាសូរណាស់! ចូលទៅជួសជុលរថយន្តត្រូវទ្រុងធ្លាក់បោកក្បាលស្លាប់ភ្លាមៗយ៉ាងអាណោចអាធ័ម

ឧត្ដរមានជ័យ: លោកវរសេនីយ៍ទោ ហម ភិរម្យ អធិការដ្ឋាននគរបាលស្រុកបន្ទាយអំពិល បានប្រាប់ Post News ថា មានករណីកម្មករបើកបររថយន្តដឹកថ្ម ត្រូវទ្រុងរថយន្តធ្លាក់កិនស្លាប់។

ហេតការណ៍នេះបានកើតឡើងនៅវេលាម៉ោង១និង៤នាទីរសៀល ថ្ងៃទី១២ ខែកក្កដា ឆ្នាំ ២០១៧ ត្រង់ចំណុចខាងកើតភ្នំកំបោ ២០០ម៉ែត្រ ស្ថិតនៅភូមិពោធិ៍ចាស់ ឃុំបេង ស្រុកបន្ទាយអំពិល ខេត្តឧត្ដរមានជ័យ។

ជនរងគ្រោះ ឈ្មោះ ដុស ដៀម ភេទប្រុស អាយុ២១ឆ្នាំ នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្ដរមានជ័យ។

មុនពេលកើតហេតុ ដោយសាររថយន្តខូច ជនរងគ្រោះបែនទ្រុងរថយន្តឡើងលើ ហើយចូលទៅជួសជុល ស្រាប់តែទ្រុងឡានដែលបែននោះ ធ្លាក់ចុះមកក្រោម បណ្ដាលឲ្យបោកក្បាលបែកស្លាប់ភ្លាមៗនៅនឹងកន្លែងកើតហេតុ។

ក្រោយពេលកើតហេតុ ក្រុមគ្រួសារសាច់ញ្ញាតិបានដឹកសាកសពទៅធ្វើបុណ្យតាមប្រពៃណី៕