ភ្នំពេញៈ រថយន្តដឹកទំនិញមួយគ្រឿង បើកលឿនពេកកាច់ចង្កូតមិនទាន់ ក៏ជ្រុលឡើងខឿនចញ្ចើមផ្លូវ ទៅបុកបង្គោលភ្លើងបំភ្លឺផ្លូវមួយដើមយ៉ាងពេញទំហឹង តែសំណាងល្អមិនបណ្ដាលឲ្យមានអ្នករងរបួសទេ។ ហេតុការណ៍នេះ បានកើតឡើងកាលពីវេលាម៉ោង៩យប់ ថ្ងៃទី២៥ ខែឧសភា ឆ្នាំ២០១៦ នៅតាមបណ្ដោយផ្លូវលេខ២៧១ ក្រោមស្ពានអាកាសស្ទឹងមានជ័យ។
ប្រភពព័ត៌មានពីកន្លែងកើតហេតុ បានឲ្យដឹងថា គេឃើញរថយន្តដឹកទំនិញមួយគ្រឿង បើកបរយ៉ាងលឿនដូចហោះ ខណៈពេលរថយន្តកំពុងចុះពីលើស្ពានអាកាស ដោយកាច់ចង្កូតមិនទាន់ ក៏ជ្រុលឡើងខឿនចញ្ចើមផ្លូវ ហើយទៅបុកនឹងបង្គោលភ្លើងបំភ្លឺផ្លូវមួយដើមយ៉ាងពេញទំហឹងបង្កឲ្យភាពភ្ញាក់ផ្អើល។
ភ្លាមនោះ អ្នកបើករថយន្ដទាំង២នាក់ បានចុះពីរថយន្ដគេចខ្លួនបាត់ស្រមោល បន្សល់តែរថយន្ដនៅកន្លែងកើតហេតុ៕
មតិយោបល់