ភ្នំពេញៈ នៅវេលាម៉ោង២ និង៣៥នាទីរសៀល ថ្ងៃទី១៥ ខែកក្កដា ឆ្នាំ២០១៧ សមត្ថកិច្ចបានចុះបង្ក្រាបល្បែងស៊ីសង កន្ទុយលេខខុសច្បាប់ (ឆ្នោតវៀតណាម) នៅចំណុចផ្សារច្បារអំពៅ ភូមិកណ្តាល សង្កាត់ច្បារអំពៅ២ ខណ្ឌច្បារអំពៅ។

ការចុះបង្ក្រាបសមត្ថកិច្ចបានឃាត់ខ្លួនជនសង្ស័យម្នាក់ឈ្មោះ នូវ ស្រីទូច ភេទស្រី អាយុ៤៦ឆ្នាំ មុខរបរ កត់ឆ្នោត ស្នាក់នៅផ្ទះលេខ២២៥ ផ្លូវ៣៥៧ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ។ វត្ថុតាងដែលដកហូតបានរួមមាន៖ ក្រដាសកត់ឆ្នោតវៀតណាមចំនួន៩សន្លឹក, ក្រដាសកត់ឆ្នោតខ្មែរចំនួន៧សន្លឹក,ប្រាក់ខ្មែរ២លាន និង២៧ម៉ឺនរៀល,ប្រាក់ដុល្លារ១៤២ដុល្លារ,លទ្ធផលចេញឆ្នោតខ្មែរស្ថាបនា១សន្លឹក,ឆ្នោតជាតិវៀតណាម២សន្លឹក៕