ភ្នំពេញ: អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានប្រាប់សារព័ត៌មាន Post News នៅម៉ោង១១ និង៥០នាទី ព្រឹកនេះថា “ខ្ញុំទទួលព័ត៌មានថា មានការឃាត់រថយន្តលោក កឹម សុខា មែន១៥ នាទីមុន ប៉ុន្តែមិនទាន់ច្បាស់ទេ” ។
បើតាមលោក យឹម សុវណ្ណ “ខ្ញុំសុំមិនធ្វើអត្ថាធិប្បាយ រង់ចាំស្រាវជ្រាវសិន“។
លោក អេង ឆៃអ៊ាង មន្រ្តីជាន់ខ្ពស់គណបក្សសង្រ្គោះជាតិ នៅព្រឹកថ្ងៃទី២៦ ខែឧសភានេះបានអះអាងថា អាជ្ញាធរ កំពុងឃាត់រថយន្ត ឯកឧត្តម កឹម សុខា នៅលើផ្លូវនរោត្តម។
លោក អេង ឆៃអ៊ាង បានសរសេរក្នុងបណ្ដាញទំនាក់ទំនងសង្គមហ្វេសប៊ុកថា “ព័ត៌មានបន្ទាន់ (២៦-០៥-២០១៦ ម៉ោង ១១:៣៥ នាទី )ពួកអាជ្ញាធរ បាននឹងកំពុងឃាត់រថយន្ត ឯកឧត្តម កឹម សុខា នៅលើផ្លូវនរោត្តម ក្បែរសាលាពញាហុក”។
តាមសេចក្តីរាយការណ៍មកថា ពេលនេះ សមត្ថកិច្ចកំពុងព័ទ្ធទីស្នាក់ការគណបក្សសង្គ្រោះជាតិ នៅចាក់អង្រែ ដើម្បីចាប់ខ្លួនលោក កឹម សុខា អនុប្រធានស្តីទីគណបក្ស តាមដីកាបង្គាប់ឲ្យចាប់ខ្លួនរបស់ព្រះរាជអាជ្ញា ស៊ើបសួរសាលាដំបូងរាជធានីភ្នំពេញ បន្ទាប់ពីកោះហៅច្រើនលើក តែលោក កឹម សុខា មិនចូល៕
//youtu.be/iZZpQNw91SY
មតិយោបល់