បាត់ដំបងៈ បុរសវ័យចំណាស់ម្នាក់ជីវិតថ្លៃ បានយកចបទៅជីកដីនៅក្បែរផ្ទះ ដើម្បីយកទៅចាក់ បំពេញក្នុងរោងគោ ប៉ះចំគ្រាប់មីនផ្ទុះកក្រើកភ្ញាក់ផ្អើលពេញភូមិ តែគ្រាន់តែរងរបួស ។ ករណីនេះ បានកើតឡើងនៅវេលាម៉ោង៨និង៤៥នាទី ព្រឹកថ្ងៃទី២៦ ខែឧសភា ឆ្នាំ២០១៦ ស្ថិតក្នុងភូមិតាសែន ឃុំត្រាង ស្រុកកំរៀង ខេត្តបាត់ដំបង ។
សមត្ថកិច្ច មូលដ្ឋាន បានឲ្យដឹងថា ជនរងគ្រោះ មានឈ្មោះ សួង ឈាត ហៅប៉ូញ ភេទប្រុស អាយុ៥៣ឆ្នាំ មុខរបរជាកសិករ រស់នៅត្រង់ចំណុចកើតហេតុ ខាងលើ ដោយលោកបានទៅកាប់ដីក្បែរ ផ្ទះ ដើម្បីយកអាចម៍ដីនោះ ទៅចាក់បំពេញក្នុងរោងគោ ក៏ប៉ះចំទៅលើគ្រាប់មីន ស្មាច់ ឬគ្រាប់មីន ផ្កាចាន់ ធ្វើឲ្យផ្ទុះឡើងតែម្តង និងបានបង្កឲ្យបុរសរូបនេះរងរបួសស្រាល៕
មតិយោបល់