ព័ត៌មានជាតិ

ជនសង្ស័យ៣នាក់ ត្រូវបានបញ្ជូនខ្លួនទៅតុលាការក្នុងករណីជួញដូរគ្រឿងញៀន

ខេត្តបន្ទាយមានជ័យ​៖ ​​​កម្លាំង​អាវុធហត្ថ​ក្រុង​ប៉ោយប៉ែត ​​បញ្ជូនខ្លួន​ជនសង្ស័យ​ប្រុស/ស្រី​ចំនួន​៣​នាក់ ​ទៅតុលាការ​ ​​ពីបទ​ជួញដូរ​គ្រឿងញៀន។

ជនសង្ស័យ​ទាំង៣នាក់នេះ ត្រូវ​បានឃាត់ខ្លួន​ ​នៅវេលា​ម៉ោង​៣​រំលង​អា​ធ្រា​ត្រ​ថ្ងៃទី​៦​ ខែមេសា ឆ្នាំ​២០១៦ នៅ​ចំណុច​មុខ​ក្រុមហ៊ុន​SCVADO​ក្នុងភូមិ​ផ្សារកណ្តាល សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ។

សមត្ថកិច្ច បាន​​ដកហូត​វត្ថុតាង​ ម៉ា​ទឹក​ក​៥​កូន​ថង់​តូច​ថ្លា​ និង​ថង់​សំរាប់​វេច​ខ្ចប់​និង​ឧបករណ៍​ប្រើប្រាស់​មួយចំនួន ​បញ្ជូនមក​ទីបញ្ជាការ​កងរាជអាវុធហត្ថ​ខេត្ត​ ដើម្បី​ធ្វើការ​សាកសួ​រ។

​អាវុធហត្ថ​ខេត្តបន្ទាយមានជ័យ ​បានឲ្យដឹងថា​ ជនសង្ស័យ​ទាំង​៣​នាក់​១.​ឈ្មោះ កែវ ហម ភេទ​ប្រុស អាយុ​១៥​ឆ្នាំ​គ្មាន​ទីលំនៅ​ពិតប្រាកដ ២.ឈ្មោះ ​ឈុន ថា ភេទ​ប្រុស អាយុ​២៣​ឆ្នាំ ៣.ឈ្មោះ វិ​ន ថេ​ន ភេទ​ស្រី អាយុ​២៤​ឆ្នាំ អ្នក​ទាំង​៣​នាក់​នេះ​រស់នៅ​បន្ទប់​ជួល​ក្នុងភូមិ​ផ្សារកណ្តាល សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ​។

តាម​ចម្លើយ​សារភាព​រ​បស់​ជន​ស​ង្ស័​យ​ទាំង​៣​នាក់​នោះ ​បាន​ឆើ្លយ​សារភាពថា​ ខ្លួន​ពិតជា​បាន​ទិញ​គ្រឿងញៀន​ទាំង​អស់នេះ​ពី​គេ​ម្នាក់ ដើម្បី​យក​មក​លាក់ទុក​ជក់​ និង​ធ្វើការ​ចែកចាយ​បន្ត​ពិតប្រាកដ​មែន​។ ​បច្ចុប្បន្ន ជនសង្ស័យ​ទាំង​៣​នាក់​ សមត្ថកិច្ច​កំពុង​កសាង​សំណុំរឿង​បញ្ជូន​ទៅ​តុលាកា​ដើម្បី​ដាក់ទោស​ទៅតាម​ផ្លូវច្បាប់​៕

image_1 image_2

មតិយោបល់