ព្រះសីហនុៈ លោកអធិការរងស្រុកព្រៃនប់បានប្រាប់ Post News ថា មានករណីគ្រោះថ្នាក់ចររាចឬណ៍មួយកើតឡើងរវាងម៉ូតូបានបុកជាមួយអ្នកថ្មើរជើង បណ្ដាលឲ្យរងរបួសធ្ងន់មនុស្ស៣នាក់។

ហេតុការណ៍គ្រោះថ្នាក់នេះបានកើតឡើង នៅវេលាម៉ោង៨និង៣០នាទីយប់ ថ្ងៃទី២៧ ខែកក្កដា ឆ្នាំ២០១៧ នៅលើដងផ្លូវជាតិលេខ៣ ចន្លោះគីឡូម៉ែត្រលេខ២០០ និង២០១ ស្ថិតក្នុងភូមិវាលមាស ឃុំវាលរេញ ស្រុកព្រៃនប់។

ប្រភពព័ត៌មានបានឲ្យដឹងថា មានករណីគ្រោះថ្នាក់ចររាចរណ៍មួយបានកើតឡើងរវាងម៉ូតូ១គ្រឿងម៉ាកស៊ីប៊ីអរ ពណ៌សលាយខ្មៅ ពាក់ស្លាកលេខភ្នំពេញ1CN-5980 បើកបរក្នុងទិសដៅពីខេត្តកំពតឆ្ពោះមកវាលរេញ។ អ្នកបើកបរម៉ូតូមានឈ្មោះ កែម អាង ភេទប្រុស អាយុ២០ឆ្នាំ មានទីលំនៅភូមិកោះខ្មូត ឃុំកំពង់ត្រាច ខាងកើតស្រុកកំពង់ត្រាច ខេត្តកំពត មុខរបរសិស្ស (របួសធ្ងន់)។

ប្រភពដដែលបានឲ្យដឹងទៀតថា មកដល់ចំណុចកើតហេតុខាងលើបានបុកអ្នកថ្មើរជើងម្នាក់ បណ្តាលឲ្យអ្នកបើកបរម៉ូតូនិងអ្នករួមដំណើរព្រមទាំងអ្នកថ្មើរជើងបានរងរបួសធ្ងន់ទាំងសងខាងតេម្តង។ រីឯអ្នកថ្មើរជើងមានឈ្មោះប្រាង ណា ភេទស្រី អាយុ៥៦ឆ្នាំ មានទីលំនៅភូមិបឹងវែង ឃុំវាលវាលរេញ ស្រុកព្រៃនប់ ខេត្តព្រះសីហនុ (របួសធ្ងន់) និងឈ្មោះសូត្រ ទី ភេទប្រុស អាយុ២៧ឆ្នាំ មានទីលំនៅភូមិកោះខ្លូត ឃុំកំពង់ត្រាច ខាងកើតស្រុកកំពង់ត្រាច ខេត្តកំពត(របួសស្រាល)។

បច្ចុប្បន្នជនរងគ្រោះបានបញ្ជូនទៅព្យាបាលនៅមន្ទីពេទ្យភ្នំពេញ ចំណែកឯម៉ូតូជនបង្កត្រូវសមត្ថកិច្ចយកមករក្សាទុកនៅអធិការដ្ឋាននគរបាល ស្រុកព្រៃនប់ រងចាំការដោះស្រាយ៕