បាត់ដំបងៈ ហេតុការណ៍គ្រោះថ្នាក់ចរាចរណ៍ដ៏រន្ធត់មួយកើតឡើង រវាង រថយន្តនិងម៉ូតូ បញ្ច្រាសទិសគ្នា បណ្តាលឲ្យបុរសម្នាក់រងរបួសធ្ងន់។

ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង៤និង៣០នាទីល្ងាច ថ្ងៃទី ២៨ ខែកក្កដា ឆ្នាំ២០១៧ ត្រង់ចំណុច ក្រុមទី៥ ភូមិវាលទ្រា ឃុំ អូរតាគី ស្រុកថ្មគោល ខេត្តបាត់ដំបង។

បង្កឡើងដោយរថយន្តម៉ាក កាមរីបាឡែន ពណ៌ស្ក ស៊េរីឆ្នាំ០២ ពាក់ស្លាកលេខ បាត់ដំបង2B- 2709 (អ្នកបើកបរ រត់គេចខ្លួនបាត់) ក្នុងទិសដៅពីជើង ទៅត្បូង លុះមកដល់ចំណុចកើតហេតុខាងលើ បានឡើងជែងរថយន្ត១ គ្រឿងទៀត ក៏ទៅបុកនិងម៉ូតូ ទិសដៅផ្ទុយគ្នាពីត្បូងទៅជើង ម៉ាកវីវ៉ា ពណ៌ខ្មៅ ស៊េរីឆ្នាំ២០០៨ ពាក់ស្លាកលេខ ភ្នំពេញ1Q-5163 ជិះដោយឈ្មោះ នៅ វឌ្ឍនា ភេទប្រុស អាយុ៣៥ឆ្នាំ មុខរបរ លក់ដូរ បណ្តាលឲ្យរងរបួសធ្ងន់បាក់ជើងខាងឆ្វេង និងដៃខាងឆ្វេង នៅនិងកន្លែងកើតហេតុ។

បច្ចុប្បន្ន ជនរងគ្រោះយកទៅមន្ទីរពេទ្យបាត់ដំបង ចំណែករថយន្ត និង ម៉ូតូ ផ្នែកជំនាញអធិការដ្ឋាននគរបាលស្រុកថ្មគោល យកទៅរក្សារទុក រង់ចាំការដោះស្រាយគ្នាពេលក្រោយ៕