Post News Media ព័ត៌មានជាតិ ព្រឹកនេះ ប្រធ...

ព្រឹកនេះ ប្រធានាធិបតីវៀតណាមចូលគាល់ព្រះមហាក្សត្រ នឹងជួបសម្តេច សាយ ឈុំ ពេលរសៀលជួបសម្តេច ហេង សំរិន និងសម្តេចតេជោ ហ៊ុន សែន

ភ្នំពេញ: ក្នុងដំណើរបំពេញមកទស្សនកិច្ចជាផ្លូវការនៅកម្ពុជា រយ:ពេល៣ថ្ងៃនេះ នៅព្រឹកទី១៥ ខែមិថុនា ឆ្នាំ២០១៦នេះ លោក ត្រាន់ ដាយ ខ្វាង (Tran Dai Quang) ប្រធានាធបិតីថ្មីរបស់វៀតណាម នឹងចូលបង្គំ​គាល់ព្រះមហាក្សត្រកម្ពុជា ហើយបន្តជួបជាមួយសម្តេច សាយ ឈុំ ប្រធានព្រឹទ្ធសភា។

ដោយឡែកនៅរសៀលថ្ងៃដដែលលោក ត្រាន់ ដាយខ្វាង នឹងជួបសម្តេច ហេង សំរិន ប្រធានរដ្ឋសភា និងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាផងដែរ។

គួរបញ្ជាក់ផងដែរថាលោក ត្រាន់ ដាយ ខ្វាង (Tran Dai Quang) ប្រធានាធិបតីថ្មីរបស់វៀតណាម បានមកដល់ប្រទេសកម្ពុជា នៅម៉ោងជាង៤រសៀល ថ្ងៃទី១៤ ខែមិថុនានេះ ដើម្បីធ្វើទស្សនកិច្ច​នៅកម្ពុជារយ:​ពេល៣ថ្ងៃ ចាប់ពីថ្ងៃទី១៤ដល់១៦ ខែមិថុនា បន្ទាប់ពីលោកបានឡើងកាន់តំណែងផ្លូវការ។

អំឡុងទស្សនកិច្ច ក្រៅពីនោះ ចូលបង្គំគាល់ព្រះមហាក្សត្រ និងជួបថ្នាក់ដឹកនាំកម្ពុជា លោក ដាយខ្វាង ក៏ថ្វាយបង្គំ សម្តេចសង្ឃរាជ ទេពវង្ស និងសម្តេចសង្ឃរាជ បួរ គ្រី ផងដែរ៕

Loading...