ភ្នំពេញៈ កម្លាំងនគរបាលផ្នែកយុត្តិធម៌នៃអធិការដ្ឋាននគរបាលខណ្ឌដូនពេញបានសហការជាមួយកំលាំងកងអន្តរាគមន៍ចុះជួយខណ្ឌដូនពេញបានឃាត់ខ្លួនជនសង្ស័យចំនួន០១នាក់ ឈ្មោះអ៊ីង ផល្លី ភេទស្រី អាយុ២១ឆ្នាំ ជនជាតិខ្មែរ មុខរបរនិងទីលំនៅមិនប្រាកដ ពីបទជួញដូរដោយខុសច្បាប់នូវសារធាតុញៀនកាលពីវេលាម៉ោង១២និង៣០នាទី ថ្ងៃទី២៧ ខែឧសភា ឆ្នាំ២០១៦ នៅចំណុចម្តុំរោងចក្រឆ្នាំង ផ្លូវរថភ្លើងភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ។
ប្រតិបត្តិការខាងលើនេះ សមត្ថកិច្ចដកហូតវត្ថុតាងរួមមាន គ្រឿងញៀនប្រភេទក្រាមពណ៌សថ្លា (ម៉ាទឹកកក) ចំនួន០៧កញ្ចប់តូច កូនកាបូបពណ៌ផ្កាឈូកមួយសំរាប់ដាក់គ្រឿងញៀនលក់ និងលុយចំនួន ២ម៉ឺន២ពាន់រៀល។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងតាមនិតិវិធី៕
មតិយោបល់