កណ្តាលៈ យុវជនប្រុស ស្រី ចំនួន៥នាក់ ត្រូវបានសមត្ថកិច្ចស្រុកខ្សាច់កណ្តាល ធ្វើការឃាត់ខ្លួនបានភ្លាមៗ ខណៈដែលយុវជនទាំង៥នាក់ កំពុងប្រើប្រាស់គ្រឿងញៀន។

ហេតុការណ៍ឃាត់ខ្លួននេះបានកើតឡើងកាលពីវេលាម៉ោង៥ ល្ងាច ថ្ងៃទី៥ ខែសីហា ឆ្នាំ២០១៧ នៅចំណុចភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល។

ជនសង្ស័យចំនួន៥នាក់ ទី១-ឈ្មោះ មៀង តៃណៃ ភេទប្រុស អាយុ ១៩ឆ្នាំ មុខរបរ មិនពិតប្រាដក ជនជាតិខ្មែរ មានទីលំនៅភូមិចុងកោះ ឃុំ សណ្តា ស្រុក លើកដែក ខេត្តកណ្តាល ,ទី២ឈ្មោះ សាត រ៉ាវីត ភេទប្រុស អាយុ ១៦ឆ្នាំ មុខរបរ មិនពិតប្រាដក ជនជាតិខ្មែរ មានទីលំនៅភូមិសណ្តា ឃុំ សណ្តា ស្រុកលើកដែក ខេត្តកណ្តាល,ទី៣-ឈ្មោះ ជា សុខហេង ហៅបារាំង ភេទប្រុស អាយុ ១៩ឆ្នាំ ជនជាតិខ្មែរ មុខរបរ កម្មករសំណង មានទីលំនៅភូមិ ឃុំកើតហេតុ,ទី៤.ឈ្មោះសុវណ្ណ ស្រីយ៉ា ភេទស្រីអាយុ១៩ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិ ក្រោលគោ សង្កាត់ ឬស្សីកែវ ខណ្ឌ ឬស្សីកែវ និងទី៥.ឈ្មោះ ឡាង យ៉ា ភេទស្រី អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ ព្រៃពោន ឃុំព្រៃពោន ស្រុកំពុងត្របែក ខេត្តព្រៃវែង។

វត្ថុតាងចាប់យក៖ ឧបករណ៍សំរាប់ជក់ថ្នាំញៀន-ម៉ូតូ ចំនួន ១គ្រឿង ម៉ាកសងប៉ិចពណ៌ខ្មៅ ពាក់ស្លាក លេខ កំពត 1H -4219។ នៅពេលកើតហេតុជនសង្ស័យទាំង៥នាក់បានកំពុងប្រើប្រាស់ថ្នាំញៀននៅលើផ្ទះឈ្មោះ ជា សុខហេងហៅបារាំង ប្រជាពលរដ្ឋរាយការមក សមត្ថកិច្ចនគរបាលប៉ុស្តិ៍ព្រែកតាកូវ កម្លាំងប៉ុស្តិ៍បានចុះបង្រ្កាបឃាត់ខ្លួនជនសង្ស័យទាំង៥នាក់រួមទាំងវត្ថុតាង បញ្ជូនមកអធិការដ្ឋាននគរបាលស្រុក បន្តចាត់ការតាមនីតិវិធី៕