ពោធិ៍សាត់ៈ លោក នាយផ្នែកនគរបាលស្រុកវាលវែង បានប្រាប់ Post News ថា មានករណីគ្រោះថ្នាក់ចរាចរណ៍មួយបានកើតឡើង បន្ទាប់ពីមានរថយន្តម៉ាក ហ៊ីយ៉ាន់ដាយ មួយគ្រឿងដឹកធ្ងន់ពេក ចុះចំណោតចាប់ហ្វ្រាំងមិនស៊ី ជ្រុលចង្កូតបើកធ្លាក់ផ្លូវក្រឡាប់ជាច្រើនត្រឡប់ បង្កឲ្យមានការភ្ញាក់ផ្អើល។
ហេតុការណ៍នេះបានកើតឡើងកាលពីវេលាម៉ោង៤និង១០នាទីល្ងាច ថ្ងៃទី៥ ខែសីហា ឆ្នាំ២០១៧ ស្ថិតនៅចំណុចចិនយំ ភូមិស្ទឹថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
សមត្ថកិច្ចបានបន្តឲ្យដឹងថា រថយន្តបង្កខាងលើនេះ គឺជាប្រភេទរថយន្តម៉ាកហ៊ីយ៉ាន់ដាយ ពណ៌ខៀវលាយស គ្មានស្លាកលេខ អ្នកបើកបររត់គេចខ្លួនបាត់ រួមដំណើរជាមួយនឹងបុរសម្នាក់ឈ្មោះ មាន ហេង ភេទប្រុស អាយុ ៣០ឆ្នាំ រស់នៅភូមិឃុំខាងលើ បណ្តាលឲ្យរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីពេទ្យខេត្តពោធិ៍សាត់។
ចំណែករថយន្ត ក្រោយពីកើតហេតុ ត្រូវបានសមត្ថកិច្ចស្ទូចយកទៅរក្សាទុកនៅអធិការដ្ឋាននគរបាលស្រុកវាលវែង រង់ចាំធ្វើការដោះស្រាយគ្នាពេលក្រោយតាមផ្លូវច្បាប់បន្តទៀត៕
មតិយោបល់