ភ្នំពេញៈ នៅមុននេះបន្តិចមានការភ្ញាក់ផ្អើលមួយបានកើតឡើងនៅមុខតុលាការ​ក្រុងភ្នំពេញ គ្រាដែលមានជនសង្ស័យម្នាក់រត់ចេញពីតុលាការ​។

តាមប្រភពពីសមត្ថកិច្ចបានប្រាប់ឲ្យដឹងថា នៅព្រឹកថ្ងៃអាទិត្យ ទី៦ ខែសីហា ឆ្នាំ២០១៧នេះ​ មានស្រ្តីជាជនសង្ស័យម្នាក់បានរត់ចេញពីអាគារតុលាការ​ ខណៈពេលដែលសមត្ថកិច្ចខណ្ឌទួលគោក​បាននាំជនសង្ស័យពាក់ព័ន្ធនឹងករណីគ្រឿងញៀនមកសាកសួរ​។

ក្រោយមក ជនសង្ស័យខាងលើ ក៏បានបើកទ្វាររត់ចេញពីរបងតុលាការ ហើយរត់ទៅដល់និងរបងផ្ទះថ្នាក់ដឹកនាំកំពូល ក៏ត្រូវសមត្ថកិច្ចឃាត់ខ្លួនបានវិញតែម្តង៕