ព័ត៌មានជាតិ

រថយន្តពីរគ្រឿងព្រលះគ្នា ក្នុងទិសដៅបញ្ចាស់ទិសគ្នា របួសមនុស្ស ២៦ នាក់

កំពង់ចាម: លោកអធិការរងស្រុកជើងព្រៃទទួលបន្ទុកផ្នែកចរាចរណ៍ បានប្រាប់ Post News ថា ករណីគ្រោះថ្នាក់ចរាចរណ៍មួយ រវាងរថយន្ត និងរថយន្ត បណ្ដាលឲ្យមនុស្ស ២៦ នាក់រងរបួសនាក់ កើតហេតុនៅលើផ្លូវជាតិលេខ០៦ ចន្លោះគីឡូម៉ែត្រលេខ៦៧-៦៨ ភូមិរវាងឃុំខ្នុរដំបង ស្រុកជើងព្រៃ ខេត្តកំពង់ចាម។

រថយន្តម៉ាកសាំយ៉ុង ពាក់ស្លាកលេខភ្នំពេញ 2T.1062 បើកបរដោយឈ្មោះ ភុន សុភាព ភេទប្រុស អាយុ ២៧ ទីលំនៅភូមិបឹងជើង ឃុំបឹង ស្រុកបារាយណ៏ ខេត្តកំពង់ធំ បើកពីកើតទៅលិច បានបុករថយន្តម៉ាកហ៊ិនដាយម៉ៃធីធូ ពាក់ស្លាកលេខភ្នំពេញ3D.3125 បើកបរដោយឈ្មោះ សាន សារិត ភេទប្រុស អាយុ ៤៣ ឆ្នាំ ទីលំនៅភូមិកំប៉ាល ឃុំសណ្តែក ស្រុកធាយ បើកឆ្លងផ្លូវបត់ឆ្វេង ក្នុងទិសដៅពីជើងទៅត្បូង បណ្តាលឲ្យរបួសមនុស្ស ២៦នាក់ ក្នុងនោះមានប្រុសម្នាក់។

ក្រោយពេលកើតហេតុ ជនរងគ្រោះត្រូវបានគេបញ្ជូនទៅព្យាបាល នៅមន្ទីរពេទ្យស្រុកជើងព្រៃ ដោយទ្បែកជងរងគ្រោះស្រី ០៦ នាក់ទៀត ត្រូវបានបញ្ជូនបន្តទៅព្យាបាលនៅមន្ទីរពេទ្យភ្នំពេញ។

តាមសមត្ថកិច្ច បានប្រាប់ឲ្យដឹងថា មូលហេតុដែលបង្កឲ្យមានគ្រោះថ្នាក់នេះទ្បើង ដោយសារ រថយន្តម៉ាកហ៊ិនដាយម៉ៃធីធូ បើកឆ្លងផ្លូវខ្វះការប្រុងប្រយត្ន័ ចំណែករថយន្តម៉ាកសាំយ៉ុង បើកបរក្នុងល្បឿនលឿន ហើយករណីនេះដែរ កម្លាំងជំនាញកំពុងបំពេញបែបបទ ដើម្បីកសាងសំណុំរឿងចាត់ការនីតិវិធី៕

មតិយោបល់