បាត់ដំបងៈ ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីរក្សាទុកគ្រឿងញៀនដោយខុសច្បាប់។

ការចាប់ឃាត់ខ្លួនបានធ្វើឡើងនៅវេលាម៉ោង១រសៀល ថ្ងៃ១៤ ខែសីហា ឆ្នាំ២០១៧ នៅចំណុចក្រុមទី៨ ភូមិស្រឡៅជ្រុំ ឃុំសេរីមានជ័យ ស្រុកសំពៅលូន ខេត្តបាត់ដំបង។

កម្លាំងនគរបាលប្រឆាំងគ្រឿងញៀន នៃអធិការដ្ថានស្រុកសំពៅលូន សហការជាមួយកម្លាំងប៉ុស្តិ៍នគរបាលសេរីមានជ័យ បានចុះប្រតិបត្តិការបង្រ្កាបករណី រក្សាទុកគ្រឿងញៀនហាមឃាត់ខុសច្បាប់ជាក់ស្ដែង។

ក្នុងកិច្ចប្រតិបត្តិការសមត្ថកិច្ចយើងចាប់ឃាត់ខ្លួនជនសង្ស័យបានម្នាក់ឈ្មោះសុក អឿន ហៅពុធ ភេទប្រុស អាយុ៥៨ឆ្នាំ ស្នាក់នៅភូមិស្រឡៅជ្រុំ ឃុំសេរីមានជ័យ ស្រុកសំពៅលូន ខេត្តបាត់ដំបង។ វត្ថុតាងចាប់យកបានរួមមាន ថ្នាំញៀនប្រភេទមេតំហ្វេតាមីន យ៉ាម៉ាWY ចំនួន៧គ្រាប់ទម្ងន់០,៦៥ក្រាម,ម៉ូតូ១គ្រឿង ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៦ ស្លាកលេខ បាត់ដំបង1w- 6274 ។

បច្ចុប្បន្នជនសង្ស័យនឹងវត្ថុតាង បាននឹងកំពុងរៀបចំសំណុំរឿងបញ្ជូនទៅតុលាការ ចាត់ការតាមនីតិវិធីច្បាប់៕