បាត់ដំបងៈ មានករណីគ្រោះថ្នាក់ចរាចរណ៍មួយ រថយន្តក្រុងក្រុមហ៊ុនពន្លឺអង្គរ បើកបរខ្វះការប្រុងប្រយ័ត្ន បានរេចង្កូតទៅធ្លាក់ប្រឡាយទឹកតែមិនមានមនុស្សគ្រោះថ្នាក់ទេ។
ហេតុការណ៍កើតឡើងនៅវេលាម៉ោង៤ និង៣០នាទីល្ងាច ថ្ងៃទី១៥ ខែសីហា ឆ្នាំ២០១៧ នៅតាមបណ្ដោយផ្លូវជាតិលេខ៥៧ ភូមិអូខ្ជាយ សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។

ឡានក្រុងក្រុមហ៊ុនពន្លឺអង្គរ ពាក់ស្លាកលេខ ភ្នំពេញ3A-6426 (អ្នកបើកបរបានរត់គេចខ្លួន)រថយន្តបើកបរមានទិសដៅពីកើតទៅលិច ពេលមកដល់ចំណុចកើតហេតុបានឡើងជែងរថយន្តមួយទៀត ក៏ជ្រុលរេចង្កូតទៅធ្លាក់ទឹកប្រឡាយតែម្ដង។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ នាំយករថយន្តមករក្សាទុកផងដែរ៕