Post News Media ព័ត៌មានជាតិ លោក ស៊ុន ចាន់...

លោក ស៊ុន ចាន់ថុល អញ្ជើញចូលរួមកិច្ចពិភាក្សាស្ដីពីគម្រោងហេដ្ឋារចនាសម្ព័ន្ធនៅតំបន់អាស៊ី បញ្ហាប្រឈម និងកាលានុវត្តភាពពាណិជ្ជកម្ម

ភ្នំពេញ: យោងតាមហ្វេសប៊ុករបស់ក្រសួងសាធារណការ បានឲ្យដឹងថា នៅថ្ងៃទី៣១ ខែឧសភា ឆ្នាំ២០១៦ លោកទេសរដ្ឋមន្ត្រី ស៊ុន ចាន់ថុល បានអញ្ជើញចូលរួមកិច្ចពិភាក្សាមួយនៅប្រទេសជប៉ុន ក្រោមប្រធានបទស្តីពី “គម្រោងហេដ្ឋារចនាសម្ព័ន្ធនៅតំបន់អាស៊ី បញ្ហាប្រឈម និងកាលានុវត្តភាពពាណិជ្ជកម្ម”។

ហ្វេសប៊ុកនេះ បានឲ្យដឹងថា ការអភិវឌ្ឍហេដ្ឋារចនាសម្ព័ន្ធមានសារ:សំខាន់យ៉ាងខ្លាំង សម្រាប់កំណើនសេដ្ឋកិច្ចប្រកបដោយនិរន្តរភាពរបស់អាស៊ី។ ទោះជាយ៉ាងណា ការផ្តល់មូលនិធិសម្រាប់ហេដ្ឋារចនាសម្ព័ន្ធពីអង្គការពហុភាគីនិងទ្វេភាគីនេះ មិនគ្រប់គ្រាន់សម្រាប់បំពេញតាមតម្រូវការនៃគម្រោងហេដ្ឋារចនាសម្ព័ន្ធដែលត្រូវការជាចាំបាច់នៅក្នុងតំបន់អាស៊ីនេះទេ។

វាគ្មិនបានពិភាក្សាអំពីរបៀប ដែលធនាគារវិនិយោគហេដ្ឋារចនាសម្ព័ន្ធអាស៊ីទើបបង្កើតថ្មី ហៅកាត់ថា (AIIB) ស្ថាប័នដទៃទៀត និងវិស័យឯកជន អាចធ្វើការរួមគ្នាដើម្បីបំពេញតាមតម្រូវការនៃការអភិវឌ្ឍហេដ្ឋារចនាសម្ព័ន្ធនៅក្នុងតំបន់អាស៊ី។ ជាមួយគ្នានេះ ក្រុមវាគ្មិនក៏បានពិភាក្សាផងដែរ អំពីការអភិវឌ្ឍហេដ្ឋារចនាសម្ព័ន្ធដែលមានលក្ខណ:លឿនរហ័ស ធៀបនឹងការអភិវឌ្ឍប្រកបដោយគុណភាព។

កាលពីឆ្នាំមុន លោកនាយករដ្ឋមន្ត្រីជប៉ុន អាបេ បានប្រកាសផ្តល់ជំនួយហិរញ្ញវត្ថុរបស់រដ្ឋាភិបាលជប៉ុន គិតជាទឹកប្រាក់ប្រមាណ១១០ពាន់លានដុល្លារ សម្រាប់មូលនិធិអភិវឌ្ឍន៍ហេដ្ឋារចនាសម្ព័ន្ធដែលមានគុណភាពសម្រាប់រយ:ពេល៥ឆ្នាំខាងមុខ។ ចំនួនទឹកប្រាក់នេះ បានកើនឡើងដល់២០០ពាន់លានដុល្លារហើយ៕

13305233_528832017301143_1677561084186811939_o

13316799_528832013967810_3871856179087495900_o

13346274_528832030634475_7010560585975805322_o