កណ្តាលៈ កម្លាំងប៉ុស្តិ៍ស្វាយជ្រំចុះបង្ក្រាបទីតាំងប្រើប្រាស់គ្រឿងញៀនមួយកន្លែង ដោយធ្វើការឃាត់ខ្លួនជនសង្ស័យចំនួន៣នាក់ និងវត្ថុតាងថ្នាំញៀនម៉ាទឹកកក១កញ្ចប់តូច កាលពីវេលាម៉ោង១៨:០០នាទីថ្ងៃទី៣១ ខែឧសភា ឆ្នាំ២០១៦ នៅចំនុចភូមិលើ ឃុំស្វាយជ្រំ ស្រុកខ្សាច់កណ្តាល ខេត្តកណ្តាល។
ប្រភពបានឲ្យដឹងថា ជនល្មើស០៣នាក់ ទី១ ឈ្មោះវុធ សុវណ្ណ ភេទប្រុស អាយុ១៦ឆ្នាំ មុខរបរមិនពិត ជនជាតិខ្មែរ ទីលំនៅភូមិឃុំខាងលើ។ ទី២ ឈ្មោះ ប៊ិន វុទ្ធា ភេទប្រុស អាយុ១៦ឆ្នាំជនជាតិខ្មែរ មុខរបរ មិនពិត មានទីលំនៅភូមិឃុំកើតហេតុ
។ ទី៣ ឈ្មោះ ម៉ឺន សាម៉ី ភេទប្រុស អាយុ១៦ឆ្នាំជនជាតិខ្មែរ មុខរបរមិនពិតមានទីលំនៅភូមិឃុំកើហេតុ។
ប្រភពបន្តថា កន្លងមកជនល្មើសទាំង៣នាក់ ជាមុខសញ្ញាធ្លាប់ប្រើប្រាស់គ្រឿងញៀនជាក់ស្ដែងវេលាម៉ោងកើតហេតុខាងលើ ជនល្មើសបានទិញថ្នាំញៀន(ម៉ាទឹកកក) ពីមនុស្សមិនស្គាល់ឈ្មោះ នៅម្តុំវត្តទួលសង្កែ ខណ្ឌឫស្សីកែវ ហើយនាំគ្នាមករៀបចំប្រើប្រាស់នៅលើផ្ទះឈ្មោះ ម៉ម ជាមនុស្សចាស់ជរាត្រូវជាជីតា របស់ឈ្មោះ ប៊ិន វុទ្ធា។
ប្រតិបត្តិការខាងលើនេះ កម្លាំងនគរបាលប៉ុស្តិ៍ដកហូតវត្ថុតាងរួមមាន៖ ១-ម៉្សៅក្រាមពណ៌សថ្លា សង្ស័យសារធាតុញៀន (ម៉ាទឹកកក ០១កញ្ចប់តូច) ។
បច្ចុប្បន្ន ជនសង្ស័យទាំង៣នាក់ និងវត្ថុតាងថ្នាំញៀនម៉ាទឹកកក ១កញ្ចប់តូច ត្រូវបានបញ្ជូនមកអធិកាដ្ឋាននគរបាលស្រុក ដើម្បីកសាងសំណុំរឿងចាត់ការតាមនីតិវិធី៕
មតិយោបល់