ភ្នំពេញៈ នារីស្រស់ស្អាតម្នាក់ជិះម៉ូតូក្នុងល្បឿនលឿនរេចង្កូតជ្រុលទៅបុករថយន្តចតចោលបណ្តាលឲ្យរងរបួសជើងស្តាំយ៉ាងធ្ងន់ធ្ងរ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២និង៣០នាទីថ្ងៃត្រង់ ថ្ងៃទី២៤ ខែសីហា ឆ្នាំ២០១៧ ស្ថិតតាមផ្លូវអ៊ា៦ ក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។

ប្រភពព័ត៌មានពីកន្លែងកើតបានឲ្យដឹងថា នៅមុនពេលកើតហេតុគេឃើញនារីរងគ្រោះខាងលើជិះម៉ូតូម៉ាកវីវ៉ា ពណ៌ខ្មៅ ពាក់ស្លាកលេខភ្នំពេញ1AJ-6594 ជិះតាមបណ្តោយផ្លូវអ៊ា៦ ទិសដៅពីត្បូងទៅជើងក្នុងល្បឿនយ៉ាងលឿន លុះមកដល់ចំណុចកើតហេតុមិនដឹងជាយ៉ាងមេច ក៏រេចង្កូតជ្រុលទៅបុករថយន្តម៉ាកកាម៉ារីពណ៌ស ពាក់ស្លាកលេខភ្នំពេញ2C-3947 ដែលបានចតទុកចោលនៅអែបចិញ្ចើមផ្លូវខាងស្តាំដៃ បណ្តាលឲ្យរងរបួសជើងខាងស្តាំធ្ងន់ធ្ងរ ចំណែករថយន្តបែកស្តុបក្រោយផ្នែកខាងឆ្វេង រីឯម៉ូតូបាក់ក្បាំង។

ក្រោយពេលកើតហេតុភាគីម៉ូតូបង្ករបាននិយាយចរចារគ្នាដោយគ្មានខាងណាសងខាងណានោះទេ ហើយជនរងគ្រោះត្រូវបានសាច់ញាតិលើកដាក់រឺម៉កកង់បីទៅព្យាបាលនៅមន្ទីពេទ្យ៕

https://youtu.be/wYeQZcVHFCA