ព័ត៌មានជាតិ

នាយករដ្ឋមន្ត្រីកម្ពុជាត្រៀមប្រសាសន៍សំខាន់ៗទុកថ្ងៃស្អែកក្នុងពិធីបើកវេទិកាសេដ្ឋកិច្ចពិភពលោកលើកទី២៥

ភ្នំពេញ: នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានត្រៀមប្រសាសន៍សំខាន់ៗ ដើម្បីទ្បើងថ្លែងសុន្ទរកថានៅថ្ងៃស្អែក ក្នុងទិវាបើកវេទិការសេដ្ឋកិច្ចពិភពលោកលើកទី២៥ បន្ទាប់ពីសម្ដេចតេជោ និងសម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានធ្វើដំណើរតាមយន្តហោះរបស់ក្រុមហ៊ុនកម្ពុជាអង្គរអ៊ែរ អញ្ជើញទៅដល់អាកាសយានដ្ឋានអន្តរជាតិគូឡាឡាំពួរ ប្រទេសម៉ាឡេស៊ី ប្រកបដោយសុវត្តិភាពកាលពីវេលាម៉ោង១០និង៣៥នាទី ម៉ោងនៅប្រទេសម៉ាឡេស៊ី ត្រូវនឹងម៉ោង៩និង៣៥នាទីម៉ោងក្នុងប្រទេសកម្ពុជា ជាទីដែលសម្តេចតេជោនិងសម្តេចកិត្តិព្រឹទ្ធបណ្ឌិត និងបណ្តាមេដឹកនាំសេដ្ឋកិច្ចពិភពលោក អញ្ជើញចូលរួមវេទិកាសេដ្ឋកិច្ចពិភពលោកលើកទី២៥ ស្តីពីអាស៊ាន ដែលនឹងប្រារព្ធធ្វើឡើងនៅរសៀលថ្ងៃទី១ និងបិទបញ្ចប់នៅរសៀលថ្ងៃទី២មិថុនា។

សម្តេចតេជោនាយករដ្ឋមន្រ្តី ក៏ដូចជាបណ្តាមេដឹកនាំសេដ្ឋកិច្ចពិភពលោកដទៃទៀតដែលនោះ នឹងអញ្ជើញថ្លែងសុន្ទរកថាគន្លឹ:បើកវេទិកាសេដ្ឋកិច្ចពិភពលោកលើកទី២៥ ស្តីពីអាស៊ាន ក្រោមប្រធានបទ ការរៀបចំរបៀបវារ:អាស៊ាន សម្រាប់ប្រជាជនទាំងអស់និងការរីកចម្រើន នារសៀលថ្ងៃទី១មិថុនា នៅមុនពេលដែលសម្តេចតេជោនាយករដ្ឋមន្រ្តី ទទួលធ្វើជាម្ចាស់ផ្ទះរៀបចំវេទិកាសេដ្ឋកិច្ចពិភពលោកស្តីពីអាស៊ាន លើកទី២៦ នៅឆ្នាំ២០១៧ នារសៀលថ្ងៃទី២មិថុនា។ តាមកម្មវិធីដែលបានគ្រោងទុក បន្ទាប់ពីបញ្ចប់វេទិកាសេដ្ឋកិច្ចពិភពលោក គឺនៅថ្ងៃទី៣មិថុនា សម្តេចតេជោនាយករដ្ឋមន្រ្តីនិងសម្តេចកិត្តិព្រឹទ្ធបណ្ឌិត នឹងបន្តដំណើរបំពេញទស្សនកិច្ចផ្លូវការ នៅទីក្រុងគូឡាឡាំពួរ ប្រទេសម៉ាឡេស៊ី។

នៅក្នុងដំណើរបំពេញទស្សនកិច្ចផ្លូវការនោះ សមភាគីនៃប្រទេសទាំងពីរកម្ពុជា ម៉ាឡេស៊ី និងធ្វើការពិភាក្សាគ្នាយ៉ាងយកចិត្តទុកដាក់ទៅលើ ការពង្រឹងនិងពង្រីកទំនាក់ទំនង កិច្ចសហប្រតិបត្តិការលើគ្រប់វិស័យសម្រាប់ ប្រទេសទាំងពីរឲ្យកាន់តែរឹងមាំទ្វេឡើងថែមទៀត។

សម្រាប់ដំណើរបំពេញទស្សនកិច្ចផ្លូវការនេះ ប្រមុខថ្នាក់ដឹកនាំនៃប្រទេសទាំងពីរបានឯកភាពគ្នា នឹងធ្វើការចុះហត្ថលេខាលើឯកសារសំខាន់ៗចំនួន៣រួមគ្នា ក្នុងនោះទី១ អនុស្សារណ:នៃការយោគយល់គ្នាស្តីពី កម្មវិធីអ្នកស្ម័គ្រចិត្តអន្តរជាតិនៃ MYCORPS នៅប្រទេសកម្ពុជា ទី២ អនុស្សារណ:នៃការយោគយល់គ្នាស្តីពី កិច្ចសហប្រតិបត្តិការលើវិស័យព័ត៌មាន និងការផ្សាយតាមរលកធាតុអាកាស និងទី៣ លិខិតបញ្ជាក់បំណង (Letter of Intent) ដើម្បីចុះហត្ថលេខាលើអនុស្សារណ: នៃការយោគយល់គ្នាស្តីពី កិច្ចសហប្រតិបត្តិការលើវិស៍យកសិកម្មក្នុងពេលខាងមុខ៕

photo_2016-06-01_13-41-48

photo_2016-06-01_13-41-58

photo_2016-06-01_13-42-05

photo_2016-06-01_13-42-14

photo_2016-06-01_13-42-21

photo_2016-06-01_13-42-30

photo_2016-06-01_13-42-38

photo_2016-06-01_13-42-46

 

photo_2016-06-01_13-43-16

photo_2016-06-01_13-43-23
photo_2016-06-01_13-43-07

មតិយោបល់