ភ្នំពេញៈ រថយន្តដឹកដីបើកមិនប្រយ័ត្នរអិលធ្លាក់ចូលប្រឡាយទាំងព្រឹក តែមិនបង្កឲ្យមនុស្សណាម្នាក់រងរបួសទេ។

ហេតុការនេះបង្កមានការភ្ញាក់ផ្អើកាលពីរវេលាម៉ោង១០និង៤០ព្រឹក ថ្ងៃទី៤ ខែកញ្ញា ឆ្នាំ២០១៧ នៅតាមផ្លូវលំកែងនិងផ្លូវឌួងងៀប ឋិតនូវភូមិទួលចំបក់ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។

បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពលកើតហេតុគេបានឃើញរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3B-7491 បើកដោយបុរសម្នាក់ក្នុងទិសដៅពីកើតទៅលិច ស្រាប់តែមកដល់ចំណុចកើតហេតុតៃកុងរថយន្តបានជ្រុះទូរសព្ទ ហើយនៅពេលនោះតៃកុងក៏បានឱនយកទូរសព្ទ រួចមកក៏ស្រាប់តែរថយន្តរេចង្កូតរអិលធ្លាក់ចូលប្រឡាយទឹកស្អុយតែម្ដង ហើយមិនបង្កឲ្យមនុស្សណាម្នាក់រងរបួសឡើយ។ ចំណែកតៃកុងរថយន្តក៏បានបើកទ្វាដាក់មេប្រូចបាត់ស្រមោលបន្សល់ទុករថយន្តនៅក្នុងទឹកប្រឡាយ។

ក្រោយពីកើតហេតុសមត្ថកិច្ចប៉ុស្តិ៍នគរបាលស្ទឹងមានជ័យ បានចុះទៅដល់កន្លែងកើតហេតុ និងបានពិនិត្យមើលទៅទើបដឹងថាមិនប៉ះពាល់ដល់សម្បត្តិសាធារណៈទេ ហើយបានឲ្យម្ចាស់ក្រុមហ៊ុនរថយន្តខាងលើហៅរថយន្តស្ទូច មកស្ទូចយករថយន្តចេញដោយខ្លួនឯង៕

https://youtu.be/nOX64xroXp4