ក្រុម Paris Saint Germain បានធ្វើឲ្យពិភពលោក មានការភ្ញាក់ផ្អើលយ៉ាងខ្លាំង ក្រោយពីចំណាយលុយយ៉ាងច្រើនមហាសាល ក្នុងការទិញយកកីឡាករថ្លៃៗ មកពង្រឹងក្លិប។

ជាក់ស្តែងណាស់ តាមរយៈការទិញយកខ្សែប្រយុទ្ធប្រេស៊ីល Neymar ក្នុងតម្លៃ ២២២លានអឺរ៉ូ និងការខ្ចីជើង Kylian Mbappe ពីក្រុម Monaco ក្នុងលក្ខខ័ណ្ឌទិញផ្តាច់ រដូវកាលក្រោយ បានធ្វើឲ្យពិភពលោក មានការចាប់អារម្មណ៍យ៉ាងខ្លាំង។ ក្នុងនោះដែរ ប្រព័ន្ធប្រយុទ្ធរបស់ក្រុម Paris Saint Germain មានការប្រែប្រួលយ៉ាងខ្លាំង ដោយកីឡាករ Edinson Cavani នឹងត្រូវចាប់ដៃគូប្រយុទ្ធជាមួយ ខ្សែប្រយុទ្ធចំណូលថ្មី Neymar និង Kylian Mbappe ដែលសុទ្ធសឹងជាខ្សែប្រយុទ្ធមុតស្រួច នាពេលបច្ចុប្បន្ននេះ។ យ៉ាងណាវិញ កីឡាករទាំង៣រូបនេះ នឹងធ្វើឲ្យក្រុម Paris Saint Germain ទទួលបានជោគជ័យ ជាក់ជាមិនខាន ព្រោះថា ការចំណាយលុយមហិមា របស់ក្រុមអ្នកមានបារាំងនេះ គឺដើម្បីចង់ឈ្នះពាន UEFA Champion League ដែលជាក្តីស្រម៉ៃរបស់ក្រុមមួយនេះ។

ម្យ៉ាងវិញទៀតនោះ ត្រឹមតែការនាំយក Neymar ម្នាក់បានធ្វើឲ្យក្រុម PSG មានការប្រែប្រួលយ៉ាងខ្លាំង ខណៈពេលនេះ មានខ្សែប្រយុទ្ធបារាំងវ័យ ១៨ឆ្នាំ Kylian Mbappe ទៀតនោះ ច្បាស់ណាស់ថា ក្រុម Paris Saint Germain នឹងទទួលបានជោគជ័យជាក់ជាមិនខាន។ ដូច្នេះហើយ រង់ចាំមើលថា តើ Edinson Cavani, Neymar និង Kylian Mbappe អាចធ្វើឲ្យតំបន់ប្រយុទ្ធរបស់ក្រុម Paris Saint Germain គ្រោះថ្នាក់កម្រិតណា?