ភ្នំពេញៈ បុរសម្នាក់ត្រូវបានប្រជាពលរដ្ឋទទួលស្វាគមន៍យ៉ាងចាស់ដៃផងដែរ ដែលខណៈពេលបុរសនោះបានធ្វើរសកម្មភាពលួចម៉ូតូរបស់ប្រជាពលរដ្ឋមិនបានសម្រេច។

ហេតុការណ៍នេះបង្ករឲ្យមានការភ្ញាក់ផ្អើលកាលពីវេលាម៉ោង៦នឹង៥០នាទី ព្រឹកថ្ងៃទី៦ ខែកញ្ញា ឆ្នាំ២០១៧ ស្ថិតនៅក្នុងបរិវេនវត្តតាំងក្រសាំងខាងជើង ក្នុងសង្កាត់កាកាប ខណ្ឌពោធិ៍សែនជ័យ រាជធានី ភ្នំពេញ។

តាមប្រភពព័តមានបានបញ្ជាក់ថា នៅមុនពេលកើតហេតុបុរសដែលជាម្ចាស់ម៉ូតូបានធ្វើដំណើរទៅវត្ត រួចទុកម៉ូតូមួយភ្លែតដោយមិនបានដកសោរចេញនោះឡើយ រួចចូលទៅក្នុងមួយភ្លៀតពេលចេញមកវិញ ក៏ឃើញជនសង្ស័យកំពុងដេបញ្ឆេះម៉ូតូរបស់ខ្លួនបំរុងនឹងជិះយកចេញទៅ ក៏ម្ចាស់ម៉ូតូបានស្រែកថាចោរចោរ ក៏ផ្អើលឆោរឡោរដល់ប្រជាពលរដ្ឋនៅជុំវិញទីនោះ ហើយប្រជាការពារដែលកំពុងយាមការពារទីនោះក៏ធ្វើរការចាប់ឃាត់ខ្លួនបានភ្លាមៗនៅនឹងកន្លែងផងដែរ ហើយត្រូវបានប្រជាពលរដ្ឋដែលនៅជុំវិញទីនោះបានទទួលស្វាគមន៍លោកចោរម្នាក់មួយដៃមួយជើងត្រូវយ៉ាងដំណំផងដែរ។

សូមបញ្ជាក់ផងដែរលោកចោរដៃស្អិតនេះមានឈ្មោះ ជុំ បញ្ញារិទ្ធ អាយុ៣៨ឆ្នាំ មុខរបរមិនពិតប្រាកដ ស្នាក់នៅសង្កាត់គោកឃ្លៀង ខណ្ឌសែនសុខ រាជធានីភ្នំពេញ។

ក្រោយពីបានប្រជាពលរដ្ឋស្វាគមន៍រួច ក៏បានក្របួចឲ្យសមត្ថកិច្ចប៉ុស្តិ៍កាកាប ដើម្បីចាត់ការបន្តតាមនីតិវិធីច្បាប់៕