បន្ទាយមានជ័យៈ លោកអធិការរងស្រុកអូរជ្រៅ ទទួលបន្ទុកផ្នែកចរាចរណ៍ បានប្រាប់Post News ថា មានករណីគ្រោះថា្នក់ចរាចរណ៍មួយបានកើតឡើងរវាងម៉ូតូបុកនឹងម៉ូតូ បណ្តាយឲ្យបុរសម្នាក់ស្លាប់ និងរងរបួស៣នាក់។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៧និង៣០នាទី ព្រឹកថ្ងៃទី៦ ខែកញ្ញា ឆ្នាំ២០១៧ នៅចំណុចផ្លូវលេខ៥៨ មុខប៉ុស្ដិ៍ព្រំដែន៩១១ អូរបីជាន់ស្ថិតក្នុងភូមិប្រាសាទ ឃុំអូរបីជាន់ ខេត្តបន្ទាមានជ័យ។

សាកសពជនរងគ្រោះម្នាក់ ដែលបានស្លាប់មានឈ្មោះ ឃាន ផាត់ ភេទប្រុស អាយុ៥៨ឆ្នាំ នៅភូមិជោគជ័យ និងប្រពន្ធឈ្មោះ សឿន សឿភ អាយុ៦០ឆ្នាំ របួសធ្ងន់ ហើយឈ្មោះ ផល វ៉ាឃីម ភេទប្រុសអាយុ១៤ឆ្នាំ នៅភូមិអូរបីជាន់ របួសធ្ងន់ រួមនិងឈ្មោះ ស្នា ថា ភេទប្រុសអាយុ១៥ឆ្នាំ នៅភូមិអូរបីជាន់ របួសធ្ងន់។

ក្រោយពេលកើតហេតុជនរងគ្រោះទាំង៣នាក់ខាងលើ ត្រូវបានបញ្ចូនទៅព្យាបាលនៅមន្ទីរពេទ្យប៉ោយប៉ែត ចំណែកឯសពជនរងគ្រោះកំពុងរកសាច់ញ្ញាតិមកយកទៅធ្វើបុណ្យតាមព្រពៃណី៕