ព័ត៌មានជាតិ

ជនជាតិសាំងហ្គាពួ បើករថយន្តវ៉ាជែងមិនប្រយ័ត្នកៀរថយន្តធុនធំ ខ្ទេចយ៉ាងដំណំបញ្ចប់ត្រឹមសំណង១៥០ដុល្លារ!

ភ្នំពេញ: បុរសជនជាតិសាំងហ្គាពួម្នាក់ រួមដំណើរជាមួយនិងមិត្តស្រីម្នាក់ទៀត បើករថយន្តវ៉ាជែងខ្វះការប្រុងប្រយត្ន័ជ្រុលចង្កូតទៅកៀរថយន្តធុនធំដឹកខ្ទឺឹមសបម្រុងបត់ស្តាំ ចូលទៅផ្សារនាគមាស បណ្តាលឲ្យខូចខាតចំហៀងខាងស្តាំ និងកាងខាងក្រោយយ៉ាងដំណំសំណាងល្អមិនអ្នករងរបួស។

ហេតុការណ៍នេះកើតឡើងកាលពីវេលាម៉ោង៩និង៥នាទី​ យប់ថ្ងៃទី១២ ខែកញ្ញា ឆ្នាំ២០១៧ ស្ថិតនៅចំណុចស្តុបឃ្លាំងរំសេវក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរសជាតៃកុងនិងព្រូម្នាក់ទៀត បានបើកថយន្តមួយគ្រឿងម៉ាក ISUZU ពណ៌ក្រហម ប្រភេទរថយន្តធុនធំដឹកខ្ទឹមសចំណុះ១០តោន ពាក់ស្លាកលេខ ព្រះសីហនុ 3A-3663 បើកបរតាមបណ្តោយផ្លូវម៉ៅសេទុង ទិសដៅពីត្បូងទៅជើង លុះមកដល់ចំណុចកើតហេតុខាងលើបានសុីញ៉ូបត់ស្តាំបម្រុងបត់មកផ្សារនាគមាស ស្រាប់តែមានថយន្តមួយគ្រឿងម៉ាកRAV4 ពណ៌ទឹកប្រាក់ ពាក់ស្លាកលេខ ភ្នំពេញ 2AA-9822 បើកបរដោយបុរសសាំងហ្គាពួម្នាក់ រួមដំណើរនិងមិត្តស្រីម្នាក់ទៀត បើកបរស្របទិដៅគ្នាបានមកពីក្រោយហើយបានវ៉ាជែងខាងស្តាំដៃរថយន្តធុនធំមិនផុតត្រូវបានកៀនឹងរថយន្តធុនធំ បណ្តាលឲ្យរថយន្តធុនតូចខូចខាតទ្វាខាងឆ្វេងទាំង២និងកាងខាងក្រោយ សំណាងល្អមិនមានអ្នកណារងរបួស ចំណែករថយន្តធុនធំមិនការខូចខាតនោះទេ។

ក្រោយកើតហេតុសមត្ថកិច្ចមូលដ្ឋានបានចុះមកដល់ឲ្យភាគីទាំងសងខាងសម្រុះសម្រួលគ្នាជាងកន្លះម៉ោងទើបត្រូវគ្នាដោយសារថយន្តធុនធំមិនចង់មានរឿងវែងឆ្ងាយសុខចិត្តចេញសំណងសងទៅរថយន្តធុនតូចចំនួន១៥០ដុល្លារដើម្បីបញ្ចប់រឿងនៅនឹងកន្លែងកើតហេតុតែម្តង៕

មតិយោបល់