ព័ត៌មានជាតិ

ឃាត់ខ្លួនក្រុមក្មេងទំនើង៦នាក់ ប្រើប្រាស់ស៊ីម៉ាំងម៉ូតូបំពងសម្លេងខុសបច្ចេកទេសធ្វើឲ្យប៉ះពាល់ដល់សណ្ដាប់ធ្នាប់សាធារណៈ

ក្រចេះ: លោកវរសេនីយ៍ទោ នេត លីន អធិការនគរបាលក្រុងក្រចេះ បានប្រាប់ Post News ថា នៅវេលាម៉ោង៦ និង១៥នាទីល្ងាច ថ្ងៃទី១២ ខែកញ្ញា ឆ្នាំ២០១៧ កម្លាំងអធិការដ្ឋាននគរបាលក្រុងក្រចេះ បានចុះល្បាតបង្រ្កាបក្រុមក្មេងទំនើងធ្វើចរាចរណ៍អនាធិបតេយ្យ និងប្រើប្រាស់ស៊ីម៉ាំងម៉ូតូបំពងសម្លេងខុសលក្ខណ:បច្ចេកទេស ធ្វើឲ្យប៉ះពាល់ដល់សណ្ដាប់ធ្នាប់សាធារណ: ឃាត់ម៉ូតូចំនួន ៤គ្រឿង ម៉ាកMSX និងមនុស្សចំនួន៦នាក់(ប្រុស) យកមកអធិការដ្ឋាននគរបាលក្រុងក្រចេះ ដើម្បីអប់រំណែនាំធ្វើកិច្ចសន្យាឲ្យអាណាព្យាបាល ធានាយកទៅលំនៅដ្ឋានវិញ។

ចំណែកម៉ូតូទាំង៤គ្រឿង រក្សាទុកជាបណ្ដោះអាសន្ននៅអធិការដ្ឋាននគរបាលក្រុងក្រចេះ ដើម្បីដាក់វិន័យរដ្ឋបាល៕

មតិយោបល់