ភ្នំពេញៈ ហេតុការណ៍ភ័យលោះព្រលឹងមួយបានកើតឡើង បន្ទាប់ពីរថយន្តកុងតឺន័រ ម៉ាកហ៊ីយ៉ាន់ដាយមួយគ្រឿង ដែលជារបស់ កងដឹកជញ្ជូន HC ពាក់ស្លាកលេខ ភ្នំពេញ 3D-5699 កំពុងបើកសុខៗក្នុងទិសដៅពីជើងទៅត្បូង ស្រាប់តែទូកុងតឺន័រដែលដឹកនៅលើរថយន្តនោះ បានរអិលធ្លាក់ចុះខាងក្រោម ខាងក្រោយរថយន្តបុកនឹងផ្លូវ បង្កការភ្ញាក់ផ្អើលយ៉ាងខ្លាំង សំណាងណាស់ដែលពេលនោះគ្មានបងប្អូនប្រជាពលរដ្ឋណាម្នាក់ ធ្វើដំណើរពីក្រោយ បើមិនដូច្នេះទេ ច្បាស់ជាយ៉ាប់មិនខាន។

ហេតុការណ៍នេះកើតឡើងកាលពីវេលាម៉ោង៧យប់ ថ្ងៃទី១៦ ខែកញ្ញា ឆ្នាំ២០១៧ ស្ថិតនៅតាមបណ្តោយផ្លូវ៤៣០ សង្កាត់ទំនប់ទឹក ខណ្ឌចំការមន រាជធានីភ្នំពេញ៕