ភ្នំពេញ: ជនសង្ស័យម្នាក់បានធ្វើសកម្មភាពលួចគាស់បន្ទប់ជួល ខណ:ម្ចាស់មិននៅ តែត្រូវបានម្ចាស់មកទាន់ដេញចាប់ប្រគល់ឲ្យសមត្ថកិច្ចតែម្តង។
ហេតុការណ៍នេះបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី៨ ខែធ្នូ ឆ្នាំ២០១៨ នៅបន្ទប់ជួលមួយកន្លែងភូមិព្រៃទាទី១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ ឃ្លាំង សុវណ្ណចាន់ថា ភេទប្រុស អាយុ២០ឆ្នាំ មុខរបមិនពិតប្រាដ ស្នាក់នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅភូមិឬស្សីកែវ សង្កាត់ឬស្សីកែវ ខណ្ឌឬស្សីកែវ ។
តាមសាក្សីពីជនរងគ្រោះបានឲ្យដឹងថា មុនពេលកើតហេតុរូបគាត់បានចាក់សោរបន្ទប់ត្រឹមត្រូវហើយបានដើរកត់គីឡូទឹក ក្រោយមកស្រាប់តែមានជនសង្ស័យម្នាក់បានមកធ្វើកម្មភាពលួចគាស់សោបន្ទប់ ពេលនោះគាត់បានក្រឡេកឃើញក៏ស្រែកថាចោរៗធ្វើឲ្យជនសង្ស័យភ័យរត់ភ្លោះរបងទៅផ្ទះមួយទៀតទើបនាំគ្នាដេញចាប់បានហើយប្រគល់ឲ្យសមត្ថកិច្ច។
ក្រោយពេលកើតហេតុជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យរង់ចាំចាត់ការតាមច្បាប់៕
មតិយោបល់