បាត់ដំបងៈ កាលពីវេលាម៉ោង ៨ និង ០៩ នាទីព្រឹកថ្ងៃទី២០ ខែកញ្ញា ឆ្នាំ ២០១៧
នៅចំណុចលើភ្នំព្រឹក ស្ថិតក្នុងភូមិ-ឃុំ-ស្រុកភ្នំព្រឹក មានស្ត្រីម្នាក់បានឈឺពោះ និង បានសម្រាលកូនភ្លោះចំនួនបីនាក់ អំទ្បុងពេលរថយន្តពេទ្យ ដឹកនាងយកទៅមន្ទីរពេទ្យ។

ស្ត្រីខាងលើមានឈ្មោះ ឡុង ចយ និងប្តីឈ្មោះ ជា សុគុណ រស់នៅភ្នំ១៤៧ ឃុំតាសែន ស្រុកកំរៀង ខេត្តបាត់ដំបង។

តាមសម្តីពីគ្រូពេទ្យ បានឲ្យដឹងថា ដោយសាររថយន្តបែកកង់ក៏ឈប់ ហើយស្រ្តីឈឺពោះខាងលើ ក៏បានសម្រាលកូនភ្លោះចំនួន៣នាក់ ក្នុងនោះស្រី២នាក់ បន្ទាប់មកលោកគ្រូពេទ្យ ក៏យករថយន្តមួយទៀត មកដឹកស្រ្តីសម្រាល់កូន និងកូនង៉ែតទាំងបី ទៅសម្រាកនៅមន្ទីពេទ្យបង្អែកស្រុកសំពៅលូន៕