កំពង់ស្ពឺៈ លោកអធិការស្រុកភ្នំស្រួច បានប្រាប់ Post News ថា កាលពីវេលាម៉ោង ០៨ និង១៥ នាទីព្រឹកថ្ងៃទី២០ ខែកញ្ញានេះ មានគ្រោះថ្នាក់ចរាចរណ៍មួយ បង្កឡើងរវាងម៉ូតូ និងរថយន្ត បណ្ដាលឲ្យស្លាប់មនុស្សម្នាក់ នៅលើផ្លូវជាតិ លេខ៤ ចន្លោះគីឡូម៉ែត្រលេខ ៧៩-៨០ ត្រង់ចំណុចមុខភូមិកុម៉ាពេទ្យ ឃុំអូរ ស្រុកភ្នំស្រួច ខេត្តកំពង់ស្ពឺ។

ម៉ូតូបង្កម៉ាកហុងដា C125 ពណ៌ខ្មៅ ពាក់ស្លាកលេខកំពង់ស្ពឺ1D0522 បើកបរដោយឈ្មោះ ឡុង វីរៈ ភេទប្រុស អាយុ១៦ ឆ្នាំ នៅភូមិក្រាំងតាតន់ ឃុំអូរ ស្រុភ្នំស្រួច ខេត្តកំពង់ស្ពឺ មានពីទិសខាងកើតទៅទិសខាងលិច មកដល់ចណុចខាងលើ បានវ៉ារថយន្ដ ក៏ជ្រុលទៅបុករថយន្ដ១គ្រឿងទៀត ម៉ាក វីសតូ ពណ៌ទឹកប្រាក់ ពាក់ស្លាកលេខភ្នំពេញ2W0986 បើកបរបញ្ច្រាស់ទិសគ្នា ដោយអ្នកបើកបរមិនស្គាល់ឈ្មោះ បណ្ដាលឲ្យអ្នកបើកបរម៉ូតូ ស្លាប់ភ្លាមៗនៅកន្លែងកើតហេតុ ចំណែកអ្នកបើកបររថយន្ដវិញ បានរត់គេចខ្លួនបាត់។

ពាក់ព័ន្ធនឹងករណីនេះដែរ សមត្ថកិច្ចបានប្រមូលវត្ថុតាងយកទៅរក្សាទុក នៅស្នងការខេត្ត ដើម្បីកសាងសំណុំរឿងតាមនិតិវិធី៕