​ភ្នំពេញៈ ភ្នាក់ងារPost News បានរាយការណ៍មកថា មុននេះបន្តិច មានករណីរថយន្តឡិចស៊ីស RX330 បុករះម៉ូតូចំនួន៤គ្រឿង បណ្តាលឲ្យមនុស្ស៣នាក់រងរបួសធ្ងន់ ហើយជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ។

ហេតុការណ៍ដ៏រន្ធត់នេះបានកើតឡើងនៅវេលាម៉ោង៦ និង៤០នាទីយប់ ថ្ងៃទី២៥ ខែកញ្ញា ឆ្នាំ២០១៧ នៅតាមបណ្តោយផ្លូវម៉ៅសេទុង សង្កាត់ផ្សារដេប៉ូទី២ ខណ្ឌទួលគោក។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែងនិងឃាត់ខ្លួនម្ចាស់រថយន្តបង្កទៅប៉ុស្តិ៍រដ្ឋបាល រង់ចាំការដោះស្រាយគ្នាពេលក្រោយ​តាមផ្លូវច្បាប់។ ហើយក៏មានការផ្សាយផ្ទាល់នៅលើផេក Post News Media ផងដែរ៕