ភ្នំពេញៈ យោងតាមសេចក្តីជូនព័ត៌មានរបស់ក្រសួងសុខាភិបាលនៃព្រះរាជាណាចក្រកម្ពុជា ព័ត៌មានស្តីពី ករណីជំងឺដង្កូវព្រូនទ្រីស៊ីណែឡា ដែលកំពុងកើតមាននៅភូមិច្រកតោល ឃុំមានរិទ្ធ ស្រុកសណ្តាន់ (តំបន់ព្រៃឡង់) នៃខេត្តកំពង់ធំ និងសេចក្តីអំពាវនាវរបស់ក្រសួងសុខាភិបាល ជូនដល់បងប្អូនប្រជាពលរដ្ឋ ឲ្យចូលរួមអនុវត្តវិធានការណ៍បង្ការជំងឺនេះ។

ក្រោយពីទទួលបានព័ត៌មាននេះភ្លាម ក្រសួងសុខាភិបាលបានចាត់ក្រុមការងារ ដែលមានក្រុមឆ្លើយតបបន្ទាន់របស់នាយកដ្ឋានប្រយុទ្ធនឹងជំងឺឆ្លង រួមជាមួយមជ្ឍមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ ដោយសហការជាមួយមន្ទីរសុខាភិបាលខេត្តកំពង់ធំ មន្ទីរពេទ្យខេត្តកំពង់ធំ និងមន្ទីរពេទ្យថ្នាក់ជាតិ ដោយមានការចូលរួមពីតំណាងអង្គការសុខភាពពិភពលោកផងដែរ ចុះស្រាវជ្រាវជាបន្ទាន់នៅទីតាំងដែលកើតហេតុ ដែលក្រសួង បានជម្រាបជូនដូចខាងក្រោម៖